Socruithe speisialta
Ón 1 Iúil 2021, cuireadh athruithe i bhfeidhm maidir leis an gcaoi inar tugadh cuntas ar Cháin Bhreisluacha (CBL) a bhí dlite ar roinnt earraí iompórtáilte. Le cois na n-athraithe seo, tugadh isteach socruithe speisialta mar shimpliú do dhearbhú agus íocaíocht an CBL iompórtála.
Sa chás go mbaineann na socruithe speisialta:
- ní gá don dearbhóir ach an CBL iompórtála a bailíodh ón gcustaiméir a íoc leis na Coimisinéirí Ioncaim
- ní íocfaidh an dearbhóir atá ag cur na n-earraí ar fáil do Chustaim an CBL iompórtála ag an bpointe iompórtála
- bailítear an CBL iompórtála atá dlite ón gcustaiméir. Íocfaidh an dearbhóir an CBL iompórtála a bhailíonn siad ansin leis na Coimisinéirí Ioncaim i dtuairisceán míosúil.
- agus
- cuirtear íocaíocht an CBL iompórtála siar chuig an 15ú lá den mhí tar éis na míosa inar iompórtáladh na hearraí.
Dearadh an simpliú a go príomha d’oibreoirí poist, luasiompróirí nó gníomhairí custam eile.
Féadtar na socruithe seo a chur i bhfeidhm sa chás nach bhfuil ceachtar den dá rud a leanas in úsáid:
- Ionad Uileghnó Iompórtála (IUGI)
- nó
- an gnáthmheicníocht bailithe CBL ag tráth na hiompórtála.
Tá na hearraí uile a iompórtáiltear faoi na socruithe speisialta faoi réir an ráta chaighdeánaigh CBL.
Ní fhéadann na socruithe speisialta a bheith i bhfeidhm acu ar na hiompórtálacha seo a leanas:
- Ní mór do na hearraí a bheith i gcoinsíneacht ar luach intreach nach mó ná €150
- Ní mór nach bhfuil na hearraí faoi réir dleachtanna máil
- Ní mór na hearraí a sheachadadh do chustaiméir in Éirinn agus ní mór go ndéantar an dearbhú in Éirinn
- agus
- Ní mór nach n-úsáidtear an IUGI chun an CBL dlite ar an iompórtáil a dhearbhú agus a íoc.
Níl úsáid na socruithe seo éigeantach, ach tá sé faoi réir chur i bhfeidhm agus ceadú ag na Coimisinéirí Ioncaim.
Tá tuilleadh eolais ar fáil ar shocruithe speisialta, lena n-áirítear míniú ar luach intreach agus incháilitheacht chun na socruithe seo a chur i bhfeidhm.