Foilseacháin leictreonacha
Ráta nialasach CBL
Ón 01 Eanáir 2023, feidhmítear an ráta nialasach Cánach Breisluacha (CBL) le ríomhnuachtáin seachas:
- ríomhnuachtáin atá go hiomlán nó den chuid is mó tiomanta don fhógraíocht
- agus
- ríomhnuachtáin atá go hiomlán nó den chuid is mó déanta suas de cheol inchloiste nó ábhar físe.
Roimh an 01 Eanáir 2023, feidhmíodh an dara ráta laghdaithe CBL ar ríomhnuachtáin.
Ón 01 Eanáir 2024, feidhmítear an ráta nialasach CBL ar ríomhleabhair agus closleabhair.
An dara ráta laghdaithe CBL
Feidhmítear an dara ráta laghdaithe CBL le foilseacháin áirithe leictreonacha. I measc na bhfoilseachán leictreonach tá ríomhthréimhseacháin áirithe, chomh maith le foilseachán leictreonach díobh seo a leanas:
- bróisiúir, bileoga eolais agus cláir
- leabhair pictiúir, tarraingthe nó daite le haghaidh leanaí
- ceol priontáilte i bhformáid lámhscríbhinne
- léarscáileanna, cairteacha hidreagrafacha agus cairteacha den chineál céanna
- agus
- catalóga, lena n-áirítear eolairí agus ábhar clóite den chineál céanna.
Roimh an 01 Eanáir 2024, bhí an dara ráta laghdaithe CBL i bhfeidhm ar ríomhleabhair agus ar chlosleabhair.
Tá tuilleadh eolais ar chánachas CBL maidir le foilseacháin leictreonacha le fáil sa rannán Treoir breise.