Céard is féinbhilleáil ann?
Is éard is féinbhileáil ann ná nuair a ghlacann custaiméir atá cláraithe do Cháin Bhreisluacha (CBL) freagracht as sonrasc CBL a sholáthraí a eisiúint. Féadfaidh tú an sonrasc féinbhilleála a ullmhú ar choinníoll:
- go bhfuil comhaontú roimh ré leis an soláthraí go bhféadfaidh tú an sonrasc a dhréachtú agus a eisiúint
- go gcomhlíonann tú na cionníollacha uile a bhaineann le hábhar agus le heisiúint an tsonraisc
- go bhfuil nósanna imeachta comhaontaithe ann chun go nglacfaidh an soláthraí le bailíocht an tsonraisc
- agus
- go gcuireann tú 'féinbhileáil' ar an sonrasc.
Meastar gur eisigh soláthraí sonrasc faoi na socruithe seo nuair a ghlacann siad leis.
Féinbhilleáil agus soláthraithe
Má dhéanann tú socrú féinbhileála le do chustaiméir, beidh tú faoi dhliteanas i leith an CBL. Ní mór duit a bheith cláraithe le haghaidh CBL agus cuntas a thabhairt ar an CBL do na Coimisinéirí Ioncaim. Má eisíonn tú sonrasc a chuimsíonn CBL agus tú gan a bheith cláraithe do CBL, beidh tú faoi dhliteanas an CBL sin a íoc. Baineann sé seo freisin leis an gcás ina n-ullmhaítear an sonrasc thar do cheann. Ina theannta sin, d'fhéadfá a bheith faoi dhliteanas pionóis seasta de €4,000.