Ceadúnas Cearrbhachais

Léargas ginearálta

Tabhair do d'aire

Nuair a bheidh sé bunaithe go hiomlán, beidh Údarás Rialála Cearrbhachais na hÉireann (GRAI) mar an t-aon chomhlacht atá freagrach as cearrbhachais a rialáil agus a cheadúnú in Éirinn. Idir an dá linn, leanfaidh na Coimisinéirí Ioncaim de cheadúnais a eisiúnt faoin Acht um Chearrbhachas agus Crannchuir, 1956.

Iarrtar ar oibreoirí meaisíní cearrbhachais:

• Ceadúnas Cearrbhachais a choinneáil le haghaidh gach áitreabh ina bhfuil meaisíní cearrbhachais ar fáil le himirt
• ceadúnas a choinneáil le haghaidh gach meaisín cearrbhachais
• agus
• gach ceadúnas a bheith ar taispeáint go feiceálach ar an meaisín cearrbhachais.

Is ón 1 Eanáir go 30 Nollaig atá an tréimhse cheadúnúcháin. Féadtar iarratas a dhéanamh ar Cheadúnas Cearrbhachais agus ar Cheadúnais Meaisíní Cearrbhachais chun bliain iomlán a chlúdach, nó ar feadh tréimhse trí mhí.

Rachaidh ceadúnais bhliantúla in éag ar an 31 Nollaig gach bliain, is cuma an dáta eisiúna. Rachaidh ceadúnais trí mhí in éag ag deireadh na tréimhse trí mhí lena mbaineann. I gcás ina n-eisítear ceadúnas trí mhí i leith na ráithe féilire deiridh, rachaidh an ceadúnas in éag ar an 31 Nollaig.

Ní fhéadann na Coimisinéirí Ioncaim Ceadúnais Meaisín Cearrbhachais a eisiúint ach amháin le linn tréimhse bhailíochta an Deimhnithe reatha Cúirte.

Coir atá ann meaisín cearrbhachais a oibriú faoi Chead do Mheaisín Siamsa. Tá an meaisín cearrbhachais faoi réir urghabhála agus tá an t-oibreoir faoi réir ionchúisimh.

Má tá meaisín cearrbhachais á oibriú agat, ní mór Ceadúnas Cearrbhachais a bheith agat.

Ar aghaidh: Sainmhíniú ar mheaisín cearrbhachais