Ról na gCoimisinéirí Ioncaim
Croí-obair na gCoimisinéirí Ioncaim
Croí-obair na gCoimisinéirí Ioncaim is ea cánacha agus dleachtanna a mheasúnú agus a bhailiú. Is ó dhualgais a chuirtear i bhfeidhm de réir reachta agus de réir an Rialtais, agus mar thoradh ar bhallraíocht na hÉireann san Aontas Eorpach (AE) a thagann údarás na gCoimisinéirí Ioncaim. I gcoitinne, is éard atá san obair a dhéanaimid:
- cánacha agus dleachtanna a mheasúnú, a bhailiú agus a bhainistiú is cúis le 93% d’Ioncaim an Státchiste
- an córas custam a riar d’fhonn iompórtálacha agus easpórtálacha a rialú agus dleachtanna agus tobhaigh a bhailiú thar ceann an AE
- oibriú i gcomhar le comhlachtaí eile Stáit san fheachtas i gcoinne drugaí agus i ndreasachtaí eile tras-rannacha
- obair ghníomhaireachta a dhéanamh ar son ranna eile
- Árachas Sóisialach Pá-Choibhneasta (ÁSPC) a bhailiú don Roinn Coimirce Sóisialaí
- comhairle beartais a sholáthar i dtaca le saincheisteanna cánach.
Ar aghaidh: Struchtúr na heagraíochta – ról na rannóg