An CLÚTI a scrúdú
Léargas ginearálta
Tugtar míniú sa rannán seo ar an gcaoi a n-úsáidfear an Clár Lárnach um Úinéireacht Thairbhiúil Iontaobhas (CLÚTI) agus cé a fhéadfaidh rochtain a fháil ar an bhfaisnéis atá ann.
Ón 24 Deireadh Fómhair 2021, tá an CLÚTI ar fáil lena scrúdú:
- comhlachtaí áirithe poiblí
- údaráis inniúla chuí
- daoine ainmnithe
- agus
- baill den phobal a bhfuil leas dlisteanach acu.
Bainfear úsáid as an bhfaisnéis chun trédhearcacht in Éirinn agus san Aontas Eorpach (AE) a fheabhsú tríd é a dhéanamh soiléir cé hiad na daoine ar leo iontaobhais in Éirinn agus cé a rialaíonn iad.
Braithfidh an cineál rochtana seo ar chineál an iarratais rochtana agus má tá an t-iarratasóir in ann a bhunú go bhfuil ceart rochtana acu.
Baineann rochtain srianta le rochtain páirteach ar fhaisnéis maidir le húinéireacht thairbhiúil agus baineann rochtain neamhtheoranta le rochtain iomlán ar fhaisnéis a bhaineann le húinéireacht thairbhiúil.
Ar aghaidh: Cén úsáid a bhainfear as an bhfaisnéis atá ar CLÚTI?