Baile   Trádálaithe agus gníomhairí custam   Custaim le haghaidh gnóthaí   Córais leictreonacha custam  

Cén tionchar a bheas ag an gCóras Iompórtála Uathoibríoch (CIU) ar do ghnó?

  1. Léargas ginearálta
  2. Iompórtálaithe
  3. Luasiompróirí
  4. Aeriompróirí agus muiriompróirí
  5. Gníomhairí custam
  6. Oibreoirí Saoráidí Stórála Sealadacha (SSS)
  7. Eolas do sholáthraithe bogearraí

Oibreoirí Saoráidí Stórála Sealadacha (SSS)

Más oibreoir údaraithe SSS thú, teastóidh dearbhuithe d'earraí neamh-Aontais Eorpaigh a thagann isteach agus a fhágann d’áitreabh. Ní mór na dearbhuithe seo a leanas a thíolacadh go leictreonach ag baint úsáid as an CIU:

  • Fógra um Láithriú (FL/G3)
  • Dearbhú Stórais Shealadaigh (DSS/G4)
  • dearbhú leictreonach Custam.

Féadtar an G3 agus an G4 a thaisceadh mar dhearbhú in éindí sa CIU.

Taispeánann na samplaí thíos an chaoi ar chóir d’oibreoirí SSS a gcuid gnásanna custam a bhainistiú.

  • Sampla 1

    Iompraítear earraí neamh-Aontais thar an bhfarraige isteach go Calafort Bhaile Átha Cliath. Tá na hearraí le dul chuig saoráid stórála sealadaí (compún) i gCalafort Bhaile Átha Cliath.

    Ba chóir na céimeanna seo a leanas a chomhlánú sa CIU:

    Thaisc an t-iompróir G3/G4 in éineacht [Fógra um Láithriú (G3) agus Dearbhú Stórála Sealadaí (G4)] ar an CIU. Ní mór don iompróir an Uimhir Tagartha Gluaiseachta (UTG) G3/G4 a chur ar fáil don oibreoir SSS.

    Dearbhú leictreonach Custam

    Sa chás go scaoiltear na hearraí ó stóras sealadach (taobh istigh de 90 lá) le dearbhú custam, ní mór go luafaí UTG an G3/G4 in éineacht.

  • Sampla 2

    Iompraítear earraí neamh-aontais tríd an aer isteach go hAerfort Bhaile Átha Cliath. Téann na hearraí isteach go SSS (seid idirthurais) in Aerfort Bhaile Átha Cliath, ach aistrítear iad faoi idirthuras náisiúnta chuig SSS eile taobh amuigh d’Aerfort Bhaile Átha Cliath.

    Ba chóir na céimeanna seo a leanas a chomhlánú sa CIU:

    Thaisc an t-iompróir G3/G4 in éineacht [Fógra um Láithriú (G3) agus Dearbhú Stórála Sealadaí (G4)] ar an CIU. Ní mór don iompróir an Uimhir Tagartha Gluaiseachta (UTG) G3/G4 a chur ar fáil don oibreoir SSS. Ní mór d’oibreoir an SSS taobh amuigh d’Aerfort Bhaile Átha Cliath, nó a ghníomhaire custam, G3/G4 eile a thaisceadh ar an CIU. Ní mór é seo a thaisceadh ar theacht isteach do na hearraí ag an SSS sin.

    Dearbhú leictreonach Custam

    Sa chás go scaoiltear na hearraí ó stóras sealadach (taobh istigh de 90 lá) le dearbhú custam, ní mór go luafaí UTG an G3/G4 in éineacht.

Tabhair do d’aire

Sa chás go bhfuil earraí á n-aistriú go díreach chuig SSS intíre faoi idirthuras simplithe, teastaíonn G3/G4. Ba chóir don oibreoir SSS nó dá ghníomhaire custam an dearbhú in éineacht seo a thaisceadh ar an CIU ar theacht isteach do na hearraí ag an SSS.

Ní mór do gach earra a thagann isteach nó a fhágann áis stórála shealadach cloí leis na gnásanna custaim cuí.

Féadtar tuilleadh eolais ar an CIU a fháil in AIS Temporary Storage Facility (TSF) operators presentation.

Ar aghaidh: Eolas do sholáthraithe bogearraí

Leathanach baile Ar ais go barr