VIES, Intrastat agus Cúnamh Frithpháirteach (VIMA)
Maidir le trádálaithe páirteach i soláthairtí laistigh den chomhphobal nó in éadálacha, tá freagrachtaí acu i gcórais VIES agus Intrastat. Ní mór do na trádálaithe seo faisnéis a chur ar fáil don fho-rannóg VIMA maidir lena dtrádáil le Ballstáit eile den Aontas Eorpach (AE).
Cúnamh Frithpháirteach (fíorú uimhreacha Cánach Breisluacha (CBL))
Féadann trádálaithe Éireannacha na huimhreacha clárúcháin CBL a luann a gcustaiméirí i mBallstáit eile a fhíorú. Féadtar é seo a dhéanamh ach logáil isteach ar an suíomh idirlín Europa ag Shuíomh idirlín Europa - VIES.
An Córas Malartaithe Faisnéise CBL (VIES)
Gach trádálaí CBL Éireannach a dhéanann rátáil nialasach ar earraí nó ar sheirbhísí, nó ar an dá rud, chuig trádálaí atá cláraithe le haghaidh CBL i mBallstát eile, ní mór dóibh ráiteas VIES a thíolacadh. Tá sé seo i bhfeidhm, is cuma luach na n-earraí nó na seirbhísí.
Chun clárú le haghaidh VIES, comhlánaigh an Fhoirm Clárúcháin VIES.
Le haghaidh eolais ar an bpróiseas um thuairisceáin mhóra a thíolacadh, féach an VIES large filer guide.
Intrastat
Ní mór don uile thrádálaí atá cláraithe le haghaidh CBL na boscaí E1 agus E2 ar a dtuairisceáin VAT 3 a chomhlánú. Ní mór an tuairisceán míosúil mionsonraithe Intrastat a chomhlánú sa chás:
- gur mó ná €750,000 do chuid iompórtálacha bliantúla ó Bhallstáit eile
- nó
- gur mó ná €750,000 do chuid easpórtálacha bliantúla chuig Ballstáit eile.
Féadtar tuairisceáin Intrastat a thíolacadh trí úsáid a bhaint as an Áis Ullmhaithe Tuairisceáin (RPF). Is féidir sonraí a chur isteach go díreach, nó is féidir comhad CSV a iompórtáil. Tá teimpléid de na comhaid CSV ar fáil thíos.
Tuilleadh eolais
Féadtar eolas a fháil faoi Intrastat sa INTRASTAT trader's' manual. Chun faisnéis nuashonraithe a fháil faoin gcóras VIES, féach VIES trader's manual. Má theastaíonn tuilleadh eolais uait, ba chóir duit teagmháil a dhéanamh le VIES, Intrastat, Mutual Assurance (VIMA).