Fáltais ó Ballstáit eile AE
Céard is VIES agus Intrastat ann?
Faoi na córais seo a leanas, tá freagrachtaí breise tuairiscithe ar thrádálaithe atá cláraithe le haghaidh CBL agus atá i mbun earraí a fháil agus soláthairtí laistigh den chomhphobal:
- An Córas Malartaithe Faisnéise CBL (VIES)
- córas Intrastat.
An Córas Malartaithe Faisnéise CBL (VIES)
Tríd an gcóras VIES, cuirtear meicníocht ar fáil trína bhféadtar seiceálacha a dhéanamh i ngach Ballstát i dtaca le bailíocht éileamh ar nialas-rátú. Cabhraíonn sé le gluaiseachtaí neamhthuairiscithe earraí nialas-rátaithe idir Ballstáit a bhrath.
Tríd an gcóras VIES, ligtear do thrádálaithe uimhreacha CBL a gcustaiméirí i mBallstáit eile de chuid an Aontais Eorpaigh (AE) a dheimhniú. Ceadaíonn sé seo bailíocht na huimhreacha CBL a thugtar don thrádálaithe a seiceáil. Baineann an córas VIES le trádáil laistigh den AE amháin.
Iarrtar ar thrádálaithe atá cláraithe le haghaidh CBL tuairisceáin thréimhsiúla a thíolacadh i dtaca lena soláthairtí AE. Tá tuilleadh eolais ar oibleagáidí tuairiscithe an chórais VIES ar fáil faoi Treoir breise.
Intrastat
Is é Intrastat an córas trína mbailítear staitisticí ar ghluaiseacht earraí, seachas seirbhísí, idir Ballstáit de chuid an AE. Tá coincheap ghinearálta na staitisticí trádála laistigh den AE neamhspleách ar úinéireacht na n-earraí. Baineann sé lena ngluaiseacht amháin.
Tá tuilleadh eolais ar Intrastat ar fáil faoi Treoir breise.
Ar aghaidh: Fáltais táirgí alcóil laistigh den Chomhphobal