Iompórtáil ainmhithe saotharlainne agus substaintí bitheolaíochta nó ceimiceacha beartaithe le haghaidh taighde
Féadtar ainmhithe áirithe agus substaintí áirithe bitheolaíochta agus ceimiceacha áirithe a iompórtáil ó thaobh amuigh den Aontas Eorpach (AE) gan Dleacht Custam agus Cáin Bhreisluacha (CBL) a íoc. Ní mór go mbeadh na hainmhithe agus na substaintí seo beartaithe le haghaidh taighde.
Céard iad na hearraí a cháilíonn don fhaoiseamh?
Cáilíonn an méid seo a leanas le haghaidh faoisimh:
- Ainmhithe a ullmhaítear go speisialta le haghaidh úsáid saotharlainne.
Tabhair do d’aire :
Chun cáiliú le haghaidh faoiseamh ó CBL, ní mór gur seoladh na hainmhithe saor ó tháille.
- Substaintí bitheolaíochta nó ceimiceacha san áireamh ar an liosta thíos. Níor chóir go mbeadh na hearraí seo ar fáil taobh istigh den AE. Is mar gheall ar a dtréithe agus a n-íonacht atá siad oiriúnach le haghaidh taighde eolaíochtúil amháin.
Liosta de shubstaintí incháilithe bitheolaíochta nó ceimiceacha
|
Uimhir Tagartha (Uimhir an Chustaiméara)
|
Ceannteideal CCT
|
Cur Síos
|
|
|
2845 90
|
Héiliam-3
|
|
|
2845 90
|
Uisce (Ocsaigin-18)
|
|
|
2849 90
|
Púdar tíotáiniam cairbíde sileacain a bhfuil íonacht de réir ualaigh 99% nó níos mó aige
|
|
20273
|
2901 29
|
3-Methylpent-1-ene
|
|
20274
|
2901 29
|
4-Methylpent-1-ene
|
|
20275
|
2901 29
|
2-Methylpent-2-ene
|
|
20276
|
2901 29
|
3-Methylpent-2-ene
|
|
20277
|
2901 29
|
4-Methylpent-2-ene
|
|
25634
|
2902 19
|
P-Mentha-1(7),2-dé-éin Béite-Fileindréine
|
|
14769
|
2903 99
|
4,4'-Débhrómaidhéfheinil
|
|
17305
|
2904 10
|
Eitil meatánsulfónáite
|
|
20641
|
2926 90
|
1-Naftonitrile
|
|
20642
|
2926 90
|
2-Naftonitrile
|
|
|
2934 99
|
Morfailíonó fosfaródémáite olagaiméirí (morfailíonó olaganúicléitídí)
|
|
22830
|
2936 21
|
Aicéatáit reiteanóil
|
|
45091
|
3204 12
|
Sulfahódaméin G (C.I. Aigéad Dearg 50)
|
|
21887
|
3507 90
|
Fosfaglúcamútáis
|
Céard iad rialacha an fhaoisimh?
Ní mór na hainmhithe agus substaintí bitheolaíochta nó ceimiceacha a bheith beartaithe le haghaidh:
- forais phoiblí oideachais nó eolaíochta
- forais phríobháideacha oideachais nó eolaíochta, ar an gcoinníoll go bhfuil ceadú roimh ré faighte acu ón Roinn Fiontar, Trádála agus Fostaíochta chun a leithéid d’earraí a fháil saor ó dhleacht.
Sula n-iompórtálann tú d’earraí, ba chóir duit teagmháil a dhéanamh leis an Aonad um Údaruithe agus Faoisimh agus cur síos a dhéanamh ar na hearraí is mian leat a iompórtáil. Molfaidh siad duit cén chaoi le cur isteach ar cheadú.
Má tá d’iarratas in ord, seolfaidh muid litir um údarú chugat ina mbeidh uimhir tagartha uathúil.
Nós imeachta ag tráth na hiompórtála
Ní mór do seoltóir na n-earraí an méid seo a leanas a dhéanamh:
- eolas maidir leis na hearraí a sholáthar chuig an tseirbhís post nó cúiréir atá ag láimhseáil an beart. Ba chóir go mbeadh an méid seo a leanas san eolas seo faoi na hearraí:
- cur siós cruinn
- cód tráchtearra
- agus
- an luach.
- marcáil an beart 'Substaintí bitheolaíochta nó ceimiceacha: faoiseamh ó mhuirir iompórtála éilithe'.
Féadann cúiréir nó seirbhís post ag láimhseáil an beart an t-eolas seo a úsáid chun dearbhú custaim leictreonach a chomhlánú ag baint úsáid as Córas Iompórtála Uathoibríoch (CIU) na gCoimisinéirí Ioncaim.
Ba chóir dóibh an méid seo a leanas a bheith ar an dearbhú custaim seo:
- na hearraí a dearbhú mar 'substaintí bitheolaíochta nó ceimiceacha' in D/E 2/3
- cód C15 a chur isteach in D/E 1/11
- agus
- cód 1D09 agus uimhir údaraithe ó do litir um údarú a chur isteach in D/E 2/3.
Féadfaidh na Coimisinéirí Ioncaim an litir údaraithe a iarraidh, mar atá thuasluaite, chun tacú le do éileamh ar fhaoiseamh.
Srian ag an iompórtáil
Ní mór go ndéanfaí seiceáil de chuid an Phoist Rialaithe Teorann (PRT) ar gach ainmhí beo agus táirge ainmhí a iompórtáiltear isteach san AE. Féadann táirgí ainmhí le haghaidh taighde a bheith díolmhaithe ó sheiceálacha de chuid PRT, ar an gcoinníoll go bhfuil ceadúnas agat. Is é an Roinn Talmhaíochta, Bia agus Mara (RTBM) an t-údarás in Éirinn a dhéanann seiceálacha de chuid PRT ag pointí rialaithe teorann ceadaithe.
Gheobhaidh tú tuilleadh eolais faoi iompórtáil ainmhithe ar Department of Agriculture, Food and the Marine - Import of animals and animal products.
Má tá speicis chosanta (CITES) á n-iompórtáil agat ó thíortha taobh amuigh den AE, ba chóir duit teagmháil a dhéanamh leis an tSeirbhís Páirceanna Náisiúnta agus Fiadhúlra le haghaidh tuilleadh eolais.
Tuilleadh eolais
Má tá tuilleadh eolais uait, déan teagmháil leis an Aonad um Údaruithe agus Faoisimh le do thoil.