Dualgais tuairiscithe scaireanna
Leideanna agus moltaí
Nuair atá do thuairisceán á chomhlánú agat
Ba chóir duit aird ar leith a thabhairt ar na nithe seo a leanas:
- tuairiscigh gach luach airgeadaíochta in Euro
- bain uaschamóga as sloinnte
- cinntigh go bhfuil Uimhir Phearsanta Seirbhíse Poiblí (UPSP) ar fáil do gach fostaí
- ná fág bearnaí glana idir bloic sonraí. D'fhéadfadh sé seo teachtaireacht earráide a spreagadh i dtuairisceáin áirithe (Foirm ESA)
- d'fhéadfadh roinnt tuairisceán iarraidh ort scairphraghas aonaid a chur isteach. D'fhéadfadh tuairisceáin eile iarraidh ort luach margaidh iomlán na scairsheilbhe a chur isteach. Cinntigh go bhfuil na luachanna cuí á chur isteach mar a iarrtar
- má dhéanann tú luachanna a chóipeáil agus a ghreamú isteach sa tuairisceán ó chomhad difriúil:
- ná bíodh carachtair eolaíochta ná neamh-uimhriúla á n-aistriú isteach i réimsí Uimhriúla na foirme
- bain úsáid as an deighilteoir deachúil ceart, pointí deachúlacha seachas camóga deachúlacha
- ná bain athúsáid as tuairisceán ó bhliain roimhe seo. Cinntigh go bhfuil an leagan is deireanaí den scarbhileog ar fáil ar shuíomh idirlín na gCoimisinéirí Ioncaim.
Féach ar na caibidil éagsúla de Share Schemes toisc go bhféadfadh samplaí tuairiscithe maidir le scéimeanna ar leith a bheith ar fáil.
Nuair atá do thuairisceán á thíolacadh agat
- Cinntigh go bhfuil tú cláraithe le haghaidh 'Tuairisciú ar Scairscéimeanna' (TS) ar Sheirbhís ar Líne na gCoimisinéirí Ioncaim (ROS). Beidh do chlárúchán TS ceangailte le do chlárúchán CC.
- Má tá tú logáilte isteach ag úsaid Fho-Dheimhniú ROS, b'fhéidir nach bhfeicfidh tú an rogha TS. Cinntigh go bhfuil do Riarthóir ROS tar éis do cheadanna TS a nuashonrú.
- Earráid 'drochainm comhaid' - Sábháil do thuairisceán comhlánaithe ar thiomántán líonra nó ar thiomántán logánta sula dtiontaíonn tú go formáid .zip é le huaslódáil.
- Cinntigh nach bhfuil do chomhad faoi chosaint pasfhocail.
- Ní fhéadann tú do thuairisceán a thíolacadh ach trí ROS. Ní féidir leat ríomhphost nó M’Fhiosruithe a úsáid.
Tá treoracha agus nótaí míniúchán maidir le comhlánú agus tíolacadh na bhFoirmeacha curtha ar fáil sa tuairisceán cuí agus i Chapter 15 of the Share Schemes Manual.