Faoiseamh cánach ar ranníocaíochtaí pinsin
An chaoi leis an bhfaoiseamh cánach a éileamh
Más oibrí Íoc Mar a Thuillir (ÍMAT) thú
Is iondúil go n-asbhaineann d’fhostóir na ranníocaíochtaí go díreach ó do phá, agus go dtabharfaidh siad an faoiseamh cánach atá dlite duit. Mura n-asbhaineann d’fhostóir na ranníocaíochtaí, féadfaidh tú an faoiseamh cánach a éileamh in MoChúrsaí ach na céimeanna seo a leanas a leanúint:
- Sínigh isteach ar moChúrsaí.
- Cliceáil ar ‘Déan athbhreithniú ar do cháin 2020-2023 faoi ‘Seirbhísí ÍMAT’.
- Iarr Ráiteas Dliteanais.
- Cliceáil ar ‘Comhlánaigh Tuairisceán Cánach Ioncaim’.
- Téigh chuig an leathanach ‘Creidmheasanna agus Faoisimh Chánach’.
- Faoin rannán ‘Do phost’, roghnaigh Ranníocaíochtaí Saorálacha Breise (RSB)’ nó ‘Cuntais Coigiltis Scoir Phearsanta (cuntais CCSP)’, agus cuir isteach na sonraí ar fad a bhaineann le do pholasaí.
- Comhlánaigh an fhoirm agus tíolaic í.
Tabhair do d’aire
Chun RSBanna a éileamh, ní mór cóip den deimhniú, nó admháil mhionsonraithe, a thíolacadh agus do Thuairisceán Cánach Ioncaim á thíolacadh.
Má tá tú féinfhostaithe
Má tá tú féinfhostaithe, ba chóir duit síniú isteach ar Sheirbhís ar Líne na gCoimisinéirí Ioncaim (ROS) chun faoiseamh cánach a éileamh.
Le tuilleadh eolais a fháil ar an gcaoi le faoiseamh cánach a éileamh i do Thuairisceán Cánach Ioncaim (Foirm 11), féach Cabhair le faoiseamh a éileamh i leith ranníocaíochtaí pinsin.
Deimhniú RSB
Chun RSBanna a éileamh, ní mór cóip den deimhniú, nó admháil mhionsonraithe, a thíolacadh agus do Thuairisceán Cánach Ioncaim á thíolacadh. Mura bhfuil an deimhniú RSB ar fáil agus do thuairisceán á thíolacadh agat, féadfaidh tú doiciméad a dhréachtú ina bhfuil an fhaisnéis seo a leanas:
- Dáta na híocaíochta
- An méid iomlán a íocadh
- An cineál pinsin (mar shampla CCSP nó RSB)
- Uimhir an pholasaí (má tá sí ar fáil)
- D’ainm agus do sheoladh
- agus
- Ainm agus seoladh an tsoláthraí polasaí.
Is féidir an doiciméad a uaslódáil i bhformáid Word, Excel nó PDF.