Bealaí chun íocaíocht a dhéanamh ar líne

Tá roinnt modhanna ar líne ar fáil duit chun íocaíocht a dhéanamh leis na Coimisinéirí Ioncaim. Glacann muid le:

• Treoir Dochair Dhírigh ROS (RDI). Má tá tú cláraithe le haghaidh Sheirbhís ar Líne na gCoimisinéirí Ioncaim (ROS), féadtar Treoir Dochair ROS a bhunú. Ní gá duit é seo a dhéanamh ach an t-aon uair amháin agus ligfidh sé duit íocaíocht a dhéanamh láithreach. Déanfaidh tusa suim na híocaíochta a chinneadh agus an uair a dhéantar an íocaíocht.
• Treoir Dochair Aonair (SDI). Féadtar TDA a shocrú suas trí ROS nó moChúrsaí a úsáid. Ligeann sé seo duit íocaíochtaí aonuaire a dhéanamh go díreach ó do chuntas bainc. Cinntigh roimh ré go bhfuil do chuntas in ann glacadh le dochar díreach.
• Treoir Dochair Dhírigh (TDD). Ní mór TDD a shocrú suas trí ROS. Féadtar roghnú íocaíochtaí míosúla a dhéanamh leis na Coimisinéirí Ioncaim le haghaidh cánacha reatha.
• Cártaí creidmheasa agus docair. Ní fhéadann ach custaiméirí a bhfuil a gcúrsaí cánach á mbainistiú ag Rannóg na gCánacha Pearsanta nó Rannóg Gnó na gCoimisinéirí Ioncaim íocaíocht a dhéanamh le cárta creidmheasa nó dochair.  Féadtar íocaíocht cárta a dhéanamh trí Visa nó Mastercard a úsáid. Glacann na Coimisinéirí Ioncaim an muirear nuair a úsáideann tú na cártaí seo. Féadtar íoc ar an gcaoi seo trí ROS nó moChúrsaí. 

Féadfaidh custaiméirí íocaíochtaí a dhéanamh leis na Coimisinéirí Ioncaim trí chuntas bainc atá lonnaithe i stát neamh-LEE (Limistéar Eacnamaíochta na hEorpa) freisin. Beidh oibleagáid curtha go huathoibríoch ar na custaiméirí sin a gcuid sonraí seolta a chur isteach agus an sainordú íocaíochta á shocrú acu.

Is iad seo a leanas na Stáit atá neamh-LEE ach atá inrochtana ag Limistéar Aonair d’Íocaíochtaí Euro (SEPA):

• Andóra
• Monacó
• San Mairíne
• An Eilvéis
• An Ríocht Aontaithe
• Cathair na Vatacáine.

Cártaí creidmheasa agus docair

Ní fhéadann ach custaiméirí a bhfuil a gcúrsaí cánach á mbainistiú ag Rannóg na gCánacha Pearsanta nó Rannóg Gnó na gCoimisinéirí Ioncaim íocaíocht a dhéanamh le cárta creidmheasa nó dochair. Féadtar íocaíocht cárta a dhéanamh trí Visa nó Mastercard a úsáid. Glacann na Coimisinéirí Ioncaim an muirear nuair a úsáideann tú na cártaí seo. Féadtar íoc ar an gcaoi seo trí ROS nó moChúrsaí. 

Ón 1 Deireadh Fómhair 2023, ní ghlacfaidh na Coimisinéirí Ioncaim le híocaíocht le haghaidh Cártaí Creidmheasa Tráchtála a thuilleadh. Léireofar teachtaireacht rabhaidh má chuirtear uimhir Chárta Creidmheasa Tráchtála isteach. Déan teagmháil le do sholáthraí cárta mura bhfuil tú cinnte faoi do chineál cárta. 

Cé na cineálacha íocaíochtaí a fhéadtar a dhéanamh ar líne?

Féadann tú ár modhanna íocaíochta ar líne a úsáid chun íocaíocht a dhéanamh le haghaidh:

• Cáin Ioncaim
• ús
• pionós
• astú
• iniúchadh
• nochtadh ioncaim agus sócmhainní eachtracha
• mionsochair agus sochair neamhrialta.

Cinntigh go bhfuil tú cláraithe le haghaidh an chineáil cánach is mian leat a íoc.

Féach Using online methods to make a payment to Revenue le haghaidh tuilleadh eolais ar na cánach a fhéadtar a íoc ar líne.

An méid a theastaíonn chun an tseirbhís a úsáid

Chun an tseirbhís a úsáid, is gá an méid seo a leanas a bheith agat:

• clárú le ROS, moChúrsaí nó CMÁ ar líne
• do rogha modha íocaíochta ar líne
  
• sonraí an chineáil cánach
• suim na híocaíochta is mian leat a dhéanamh.

Cén chaoi le teacht ar an tseirbhís

Féadtar teacht ar an tseirbhís seo trí moChúrsaí ach an cárta ‘Íocaíochtaí/Aisíocaíochtaí’ a aimsiú agus cliceáil ar ‘Déan Íocaíocht’.  

Féadtar teacht ar an tseirbhís seo trí ROS ach na céimeanna seo a leanúint:

• Ón bpríomh-roghchlár ROS, cliceáil ar an gcluaisín ‘mo Sheirbhísí féin’.
• Sa rannán ‘Íocaíochtaí agus Aisíocaíochtaí’, cliceáil ar an gcineál íocaíochta ar mian leat íocaíocht a dhéanamh ina leith.
• Roghnaigh an cineál cánach a bhaineann leis an gcineál íocaíochta a roghnaigh tú.
• Cliceáil ar ‘Déan Íocaíocht’.
• Cliceáil ar ‘Íoc’ don tréimhse chánach ar mian leat íocaíocht a dhéanamh ina leith.

Féadtar teacht ar an tseirbhís tríd an gcóras CMÁ Ar Líne, ach na céimeanna seo a leanúint:

• Cuir isteach d’Uimhir Phearsanta Seirbhíse Poiblí (UPSP), UA Maoine agus UAP Maoine agus cliceáil ar ‘Logáil isteach’.
• Cliceáil ar ‘Socraigh Modh Íocaíochta’.
• Má tá breis agus tréimhse amháin amuigh, tabharfar an rogha duit íoc as tréimhse amháin nó tréimhsí iomadúla.
• Cuir isteach na sonraí uile íocaíochta agus cliceáil ar ‘Lean ar aghaidh’.
• Déan athbhreithniú ar na sonraí atá le tíolacadh agus cliceáil ar ‘Tíolaic Sonraí’.