Dochar díreach míosúil
Léargas ginearálta
Féadtar iarratas a dhéanamh do cháin reatha a íoc trí dhochar díreach míosúil le haghaidh:
Tabhair do d’aire
Ní fhéadtar dochar díreach míosúil a shocrú ach amháin chun do dhliteanas cánach i leith CBL, Réamhcháin Ioncaim agus Cáin Ioncaim Fostóra don bhliain reatha a íoc.
Tá an tAonad um Dhochar Díreach sna Coimisinéirí Ioncaim lonnaithe i Rannóg an Ard-Bhailitheora. Déanann siadsan an cinneadh glacadh le hiarratas le haghaidh dochar díreach nó é a dhiúltú. Má ghlactar leat, féadfaidh sé go mbainfear ón scéim thú ag am ar bith mura leanann tú leis na riachtanais a chomhlíonadh. Is próiseas féinbhainistithe atá i gceist leis an Áis Dochair Dhírigh le haghaidh custaiméirí agus gníomhairí.
Féadtar iarratas a dhéanamh ar dhochar díreach sa chás go bhfuil socrú tráthíocaíochtaí i leith riaráistí cánacha agat chomh maith.
Ní fhéadtar treoir um dhochar díreach a shocrú ach amháin i gcuntas reatha:
- i mbanc (lena n-áirítear banc eachtrach)
- nó
- i gComhar Creidmheasa.
Ní mór don chuntas bainc nó comhair creidmheasa a bheith comhlíontach le riachtanais an Single Euro Payments Area (SEPA).
Ní ghearrann na Coimisinéirí Ioncaim táille riaracháin as íoc trí dhochar díreach. Féadfaidh an banc táillí breise a ghearradh.
Ar aghaidh: Réamhcháin Ioncaim