Dochar díreach
Réamhcháin Ioncaim
Bailíonn na Coimisinéirí Ioncaim íocaíochtaí dochair dhírigh le haghaidh Réamhcháin Ioncaim ar an naoú lá den mhí, nó ar an chéad lá oibre eile ina dhiaidh. Ní fhéadtar dáta asbhainte éagsúil a roghnú.
Dochar díreach le haghaidh Réamhcháin Ioncaim a shocrú
Chun bheith i dteideal dochar díreach a shocrú le haghaidh réamhcháin Ioncaim, ní mór duit:
Tabhair do d’aire
Ó mhí Lúnasa 2025 ar aghaidh, tá áis nua ar líne tugtha isteach ag na Coimisinéirí Ioncaim chun dochair dhírigh a chur ar bun agus a bhainistiú le haghaidh réamhcháin ioncaim ar ROS.
Dochar díreach Réamhchánach Ioncaim a leasú
Féadtar an méid a íoctar gach mí a mhéadú nó a laghdú ag am ar bith le linn na bliana ar ROS. Féadtar chomh maith do chuid sonraí bainc don dochar díreach a athrú ar ROS. Ní mór duit a chinntiú go mbeidh tú in ann an méid Réamhchánach Ioncaim a bhfuil coinne leis a íoc tar éis an dochar díreach a leasú.
Féadann custaiméirí a íocann réamhcháin ioncaim trí dhochar díreach an 105% den riail réamhimeachta a fheidhmiú agus a réamhmhéid Cánach Ioncaim á ríomh. Is féidir leis na Coimisinéirí Ioncaim ús agus pionóis a ghearradh ort má tá tearcíocaíocht ann.
Dochar díreach réamhchánach ioncaim a chur ar ceal
Féadtar do dhochar díreach a chur ar ceal ag am ar bith trí ROS.
Íocaíochtaí réamhchánach ioncaim caillte nó gan íoc
Féadfaidh sé go seolann do bhanc d’íocaíocht ar ais mar 'neamhíoctha'. Má sheolann, cuirfear litir amach chun tú a chur ar an eolas nár éirigh leis an íocaíocht.
Is tusa atá freagrach as an íocaíocht chaillte a íoc. Féadtar an íocaíocht chaillte a íoc:
- trí ROS
- nó
- le cárta dochair nó le cárta creidmheasa.
Ba chóir duit an dochar díreach a cuireadh ar ceal a athsholáthar chomh luath agus is féidir. Cinntíonn sé seo go n-íocann tú an tsuim cheart réamhchánach ioncaim agus go seachnaíonn tú muirir úis.
Ar aghaidh: Cáin Maoine Áitiúil (CMÁ)