Liúntas costais chothromráta
Léargas ginearálta
Ceadaíonn an córas liúntais Costais Chothromráta (FRE) d'fhostaithe áirithe asbhaint chostais chomhaontaithe a éileamh i leith costais cháilitheacha a bhaineann le fostaíocht a thabhaítear. I measc na samplaí tá uirlisí, éidí agus táillí clárúcháin reachtúla. Déantar suim na hasbhainte a chomhaontú idir na Coimisinéirí Ioncaim agus ionadaithe na ngrúpaí nó aicmí fostaithe (oifigigh cheardchumainn de ghnáth).
Féadtar teacht ar shonraí na liúntas FRE atá ar fáil ar:
Rátaí méadaithe liúntais FRE do 2023 agus 2024
Tá an ráta liúntais FRE maidir le hocht gcatagóir fostaíochta méadaithe le héifeacht ón 1 Eanáir 2023:
- Teicneoirí Cairdiach
- Teiripeoirí Saothair
- Fleibeatóimithe
- Fisiteiripeoirí
- Radagrafaí agus Teiripeoirí Radaíochta
- Teicneoirí Feidhme Riospráide agus Scamhógach
- Teiripeoirí urlabhra agus teanga
- agus
- Altraí Tréidliachta.
Níl aon athrú ar gach liúntas FRE eile. Féach liosta de na liúntas costais chothromráta thuas le haghaidh liosta iomlán de na rátaí do na blianta 2020 go 2025 agus an dá bhliain sin san áireamh.
Tabhair do d’aire
Chun an ráta méadaithe liúntais FRE do 2023 agus 2024 a éileamh, ní mór duit éileamh a thíolacadh.
Tá sonraí faoin gcaoi le FRE méadaithe a éileamh do 2023 agus 2024 le fáil in alt 7.2.3 de Tax and Duty Manual Part 05-02-20.
Ar aghaidh: Cén chaoi le liúntas FRE a éileamh