Bearta in aghaidh chreimeadh an bhoinn agus aistriú brabúis (BEPS)
Rialacha frith-hibride
Cuireann rialacha frith-hibride cosc ar shocruithe a bhaineann leas as na difríochtaí sa chánachas ar ionstraime nó eintiteas. Féadfaidh difríochtaí teacht aníos ón gcaoi a dtugtar comharthaí sóirt na hionstraime nó an eintitis faoi na dlíthe cánach ag dhá chríoch nó níos mó. Féadann sé seo buntáiste cánach nó toradh mhímheaitseáilte a chruthú.
Tá na rialacha frith-hibride, atá i gCaibidlí 1 go 10 den Chuid 35C, i bhfeidhm ar gach cáiníocóir corparáideach. Níl aon teorainn ná tairseach íosta ann nach mbíonn na rialacha i bhfeidhm fúthu. Tá na rialacha i bhfeidhm ar gach íocaíocht déanta tar éis an 01 Eanáir 2020.
Baineann an riail hibrideach droim ar ais, in Caibidil 10A den Chuid 35C, le eintitis atá ceapaithe mar trédhearcach go fioscach in Éireann. Baineann an riail le tréimshe chánacha tosaithe ar, nó tar éis, 01 Eanáir 2022.
Tá na rialacha casta. Tá sé seo amhlaidh mar gheall go mbaineann siad le hidirbhearta trasteorann agus go gcaithfear an cánachas ar idirbhearta agus eintitis i gcríocha eile a chur san áireamh.
Sonraítear an méid seo (aistriúchán na gCoimisinéirí Ioncaim) sa Treoir in aghaidh Seachaint Cánach 2 (ATAD2):
“Ba chóir do na Ballstáit úsáid a bhaint as na mínithe agus na samplaí is infheidhme i dtuarascáil BEPS an OECD ar Ghníomh 2 mar fhoinse ar léiriú nó léirmhíniú ar an méid a thagann siad le forálacha na Treorach agus le Dlí an Aontais”
Moltar do eintitis, agus iad ag déanamh machnaimh ar chur i bhfeidhm na rialacha frith-hibride, féachaint ar na mínithe agus na samplaí sa dá cheann de na tuarascálacha seo a leanas:
Le haghaidh tuilleadh eolais, féach ar an Lámhleabhar Cánach agus Dleachta l Part 35C-00-01- Guidance on the anti-hybrid rules.
Tabhair do d’aire
Cuireann Cuid 35C den Acht Comhdhlúite Cánacha, 1997 na Treoracha ina aghaidh Seachaint Cánach (ATAD) i bhfeidhm trí rialacha frith-hibride a thabhairt isteach.
Go sonrach, Treoir (AE) 2017/952 ón gComhairle an 29 Bealtaine 2017 (ATAD2), ar leasú í ar Threoir (AE) 2016/1164 (ATAD).
Ar aghaidh: Forálacha Cánach Scuchta