Sásra Coigeartaithe Carbóin ar Theorainneacha (SCCT)
Léargas ginearálta
Tá bearta á chur i bhfeidhm ag an Aontas Eorpach (AE) chun astaíochtaí carbóin a laghdú. Mar sin féin, tá roinnt tíortha nach ballstáit den Aontas iad atá fós ag feidhmiú le beartais aeráide nach bhfuil chomh dian céanna. D'fhéadfadh roinnt cuideachtaí de chuid an Aontais a dtáirgeadh diancharbóin a bhogadh lasmuigh den Aontas chun costais a laghdú. Tá baol ann go mbeidh 'sceitheadh carbóin' mar a thugtar air mar thoradh air seo.
Cuireann Sásra Coigeartaithe Carbóin ar Theorainneacha (SCCT) de chuid an Aontais praghas cothrom ar an gcarbón a astaítear le linn táirgeadh earraí diancharbóin a thagann isteach san AE Spreagfaidh sé seo táirgeadh tionsclaíoch níos glaine i dtíortha nach ballstáit den Aontas iad.
Tabharfar isteach an SCCT i gcéimeanna chun:
- ailíniú a dhéanamh de réir a chéile le leithdháileadh na lamháltas saor in aisce faoi Chóras Trádáil Astaíochtaí (CTA) an AE sna hocht mbliana amach romhainn.
- a chinntiú gurab ionann praghas carbóin na n-iompórtálacha agus praghas carbóin an táirgthe intíre
- agus
- chun a chinntiú nach mbainfear an bonn de chuspóirí aeráide an AE.
Ar aghaidh: 'Oiriúnach do 55' an Aontais Eorpaigh