AE-Ríocht Aontaithe - Tionscnamh fabhrach
Cóir fhabhrach taraife
Sa Chomhaontú Trádála agus Comhoibrithe AE-Ríocht Aontaithe, cuireadh deireadh le dleachtanna taraife maidir le trádáil idir an Aontas Eorpach (AE) agus an Ríocht Aontaithe i gcás ina gcomhlíontar na rialacha cuí maidir le tionscnamh.
Tá sé tábhachtach a thabhairt do d’aire go mbaineann an méid seo a leanas le héileamh ar chóir fhabhrach taraife:
- ní fhéadtar é éileamh ar iompórtálacha go hÉirinn a dhéanamh ach sa chás gur de thionscnamh na Ríochta Aontaithe na hearraí.
- ní fhéadtar éileamh ar iompórtálacha isteach sa Ríocht Aontaithe a dhéanamh ach sa chás gur de thionscnamh AE iad na hearraí.
Le tionscnamh táirge a chruthú, ba chóir don easpórtálaí ‘dearbhú tionscnamh’ a chur san áireamh ar:
- shonrasc
- nó
- aon doiciméid eile a dhéanann cur síos dóthanach ar an táirge chun gur féidir an táirge sin a shainaithint.
Féadann easpórtálaithe fianaise tacaíochta a fháil ó sholáthraithe ina sonraítear tionscnamh a gcuid táirgí i bhfoirm dearbhuithe soláthraí.
Tugtar foclaíocht an ‘dearbhú tionscnamh’ in Aguisín 7 den Chomhaontú Trádála agus Comhoibrithe.
Coinsíneachtaí ar luach nach lú ná €6,000 - Ní mór d’easpórtálaithe AE a úsáideann ‘dearbhú tionscnaimh’ a bheith cláraithe ar an gCóras d’Easpórtálaithe Cláraithe (REX).
Coinsíneachtaí ar luach nach mó ná €6,000 - Féadtar an ‘dearbhú tionscnaimh’ a dhéanamh gan aon dualgas a bheith cláraithe ar REX.
De rogha air sin, féadfar éileamh ar chóir fhabhrach taraife a dhéanamh ar bhonn ‘eolas an iompórtálaí’. Ligeann sé seo don iompórtálaí cóir fhabhrach taraife a éileamh bunaithe ar:
- eolas i bhfoirm doiciméad tacaíocht
- nó
- taifid a sholáthraíonn an t-easpórtálaí nó an monaróir
atá i seilbh an t-iompórtálaí.
Tá éilimh le haghaidh taraifí fabhracha san áireamh ar an dearbhú leictreonach custam. Féadtar tuilleadh eolais a fháil in Import declaration codes in AIS.
Ar aghaidh: Córas d'Easpórtálaithe Cláraithe (REX)