Earraí a iompórtáiltear go buan le haghaidh taispeántas, aonach nó cruinnithe

Cé na cineálacha earraí a cháilíonn don fhaoiseamh?

• Samplaí beaga d'earraí beartaithe le haghaidh aonach trádála nó imeacht dá leithéid, chomh fada is atá na coinníollacha seo a leanas i bhfeidhm:
  • Go n-iompórtáiltear saor ó tháille iad, nó go bhfaightear iad ag an imeacht ó earraí a iompórtáiltear i mbulc
  • Go dtugtar saor ó tháille iad don phobal ag an imeacht lena n-úsáid nó lena n-ídiú
  • Go bhféadtar iad a shainaithint mar shamplaí fógraíochta ar luach íseal
  • Nach bhfuil siad indíolta go réidh. Féadtar iad a phacáistiú ar bhealach go bhfuil cainníocht an earra i gceist níos lú ná an chainníocht is lú den earra céanna a dhíoltar ar an margadh go hiondúil
• Bia-ábhair agus deochanna beartaithe lena gcaitheamh le linn an taispeántais.
• Earraí iompórtáilte lena léiriú nó chun meaisíní léirithe ag imeacht a léiriú. Ní mór na hearraí iompórtáilte a ídiú nó a scriosadh le linn an taispeántais. I gcás faoiseamh ó Dhleacht Custam, ní mór an gléasra agus an fearas a bheith monaraithe taobh amuigh den Aontas Eorpach (AE).
• Ábhair amhail péinteanna, vearnaisí, páipéar balla, agus mar sin de, leordhóthanach chun seastáin shealadach na dtaispeántóirí a mhaisiú ag aonach trádála nó ag imeacht den chineál céanna. Ní mór nach bhféadtar na hearraí a úsáid a thuilleadh. I gcás faoiseamh ó Dhleacht Custam, ní mór go mbeadh na seastáin le haghaidh daoine bunaithe taobh amuigh den AE.
• Ábhar priontáilte, catalóga, liostaí praghais, póstaeir fógraíochta, féilirí, grianghraif agus earraí eile a sholáthraítear saor ó tháille chun fógraíocht a dhéanamh ar earraí a léirítear ag aonach trádála nó ag imeacht den chineál céanna. Ní mór go mbeadh na hearraí beartaithe lena scaipeadh saor ó tháille don phobal. Le haghaidh faoiseamh ó Dhleacht Custam, ní mór go ndéantar fógraíocht ar na hearraí taobh amuigh den AE.

Ní mór go mbeadh luach agus cainníocht na n-earraí iompórtáilte cuí don chineál imeachta, do líon na gcuairteoirí agus d’fhairsinge rannpháirtíocht na dtaispeántóirí.

Níl aon fhaoiseamh ann i ndáil leis an méid seo a leanas:

• táirgí alcólach
• táirgí tobac
• breosla de gach cineál.

Ar aghaidh: Nós imeachta ag tráth na hiompórtála