Cead isteach sealadach do threalamh míochaine, máinliachta agus saotharlainne
Féadtar an nós imeachta um chead isteach sealadach a úsáid chun trealamh leighis, máinliachta agus saotharlainne áirithe a iompórtáil ó thaobh amuigh den Aontas Eorpach (AE).
Ma úsáideann tú an nós imeachta seo, féadfaidh sé go mbeidh ort urrús a chur ar fáil nó dleachtanna iompórtála a íoc ar éarlais. Féadtar é seo a aiséileamh nuair a dhéanann tú do chuid earraí a atheaspórtáil.
Ní mór na gléasanna agus fearas tomhais a bheith:
- ag teastáil go práinneach agus go bhfuil siad beartaithe chun críocha diagnóisice nó teiripice
- seolta ar iasacht ar iarratas ó ospidéal nó ó institiúid leighis eile
- agus
- iompórtáilte ag ospidéal nó institiúid leighis.
Rialacha maidir le cead isteach sealadach do threalamh míochaine, máinliachta agus saotharlainne
Tá rialacha ginearálta ann i leith cead isteach sealadach faoin méid seo:
- na hearraí fanacht gan athrú
- na hearraí a aithint
- urrús
- an t-am a cheadaítear
- na nósanna imeachta iompórtála agus atheaspórtála
- toirmisc agus srianta.
Ní mór don iompórtálaí dearbhú a chur i láthair ón ospidéal nó ón institiúid leighis ina bhfuil an trealamh le húsáid. Ní mór go sonrófaí sa dearbhú an méid seo a leanas i leith an trealaimh:
- go bhfuil sé chun críocha diagnóisice nó teiripice
- gur iarradh é mar gheall ar chúinsí eisceachtúla agus go bhfuil sé ag teastáil go práinneach toisc go bhfuil a chuid áiseanna féin neamh-imleor
- agus
- go bhfuil sé ar iasacht.
Tuilleadh eolais
Má tá tuilleadh eolais uait, déan teagmháil leis an Aonad um Údaruithe agus Faoisimh.