Earraí tráchtála a iompar i mbagáiste
Rialuithe Custam ag an aerfort nó ag an gcalafort
Ní mór duit d’earraí a dhearbhú do Chustaim má tá tú ag teacht isteach go hÉirinn:
- go díreach ó thír taobh amuigh den Aontas Eorpach (AE)
- nó
- ó thír taobh amuigh den AE trí thír eile san AE (mar shampla, Nua Eabhrac - Frankfurt - Baile Átha Cliath)
- nó
- ó na hOileáin Chanáracha
- agus
- agus má tá earraí tráchtála nó samplaí á n-iompar agat i do bhagáiste.
Féadtar é seo a dhéanamh ach dul tríd an gcainéal dearg agus d’earraí a dhearbhú le hoifigeach Custam.
Níl earraí Marsantais i mBagáiste (MIB) mar chuid de do liúntais phaisinéara.
Céard ba chóir a dhéanamh agus tú ag taisteal chuig aerfort eile den AE
- Bagáiste cábáin: Má tá d’earraí i do bhagáiste cábáin, ní mór duit iad a dhearbhú in Éirinn.
- Bagáiste boilg: Má tá d’earraí:
- i mbolg an aerárthaigh
- agus
- faoi bhealach chuig aerfort eile den AE
ní mór duit iad a dhearbhú ag do cheann scríbe deiridh.
Cén uair le dearbhú custam a chomhlánú le haghaidh Marsantais i mBagáiste
mBagáiste
Féadtar marsantacht i mbagáiste a dhearbhú trí dhearbhú ó bhéal a úsáid maidir le hearraí:
- ar luach nach mó ná €1,000
- nó
- ar mais nach mó ná 1,000 kg.
Teastóidh dearbhú leictreonach custam uait le marsantacht i mbagáiste a sháraíonn na tairseacha seo a iompórtáil.
Nuair atá gá le dearbhú Custam, féadfaidh sé go dteastóidh gníomhaire imréitigh custam a fhostú chun déileáil leis na gnásanna. Gearrfaidh gníomhairí imréitigh custam táille a ghearradh i leith na seirbhíse seo.
Doiciméid eile a d’fhéadfadh a bheith ag teastáil uait
Ní mór duit fianaise dhoiciméadach maidir le luach na n-earraí, sonrasc an tsoláthraí, mar shampla, a bheith agat.
Ní mór duit na doiciméid seo a leanas a bheith agat, más cuí:
Má tá earraí á n-iompórtáil go sealadach agat, féadfaidh sé go bhfuil tú i dteideal faoisimh ó mhuirir iompórtála faoin nós imeachta um chead isteach go sealadach.
Ar aghaidh: Rialuithe custam maidir le hearraí tráchtála a easpórtáil i mbagáiste