Gnó a aistriú go dtí an AE
Cé na rialacha a bhaineann leis an bhfaoiseamh?
Cáilíonn na hearraí seo a leanas d’fhaoiseamh:
- Earraí ar úsáideadh iad i do ghnó lasmuigh den Aontas Eorpach (AE) ar feadh 12 mhí ar a laghad sular aistríodh go dtí an Stát iad.
- Earraí a úsáidfear chun na críche céanna sa Stát.
- Chun críocha Cáin Bhreisluacha (CBL), earraí a úsáidfear i ngníomhaíocht talmhaíochta, nó gníomhaíocht a dtugtar cuntas ar CBL ina leith (ní cháilíonn gníomhaíochtaí atá díolmhaithe ó CBL, mar shampla, baincéireacht, árachas, leigheas, oideachas agus mar sin de).
- Earraí a iompórtáiltear laistigh de 12 mhí ón uair a scoradh den ghnó lasmuigh den AE.
- Earraí atá in oiriúint le nádúr agus méid na gníomhaíochta.
Ní fhéadtar earraí a iompórtáiltear le faoiseamh ó dhleachtanna iompórtála faoi aistriú gnó:
- a thabhairt amach ar iasacht
- a thabhairt mar urrús
- a fhruiliú amach
- nó
- a aistriú
laistigh de 12 mhí ó dháta na hiompórtála. Má dhéantar a leithéid, ní mór duit na Coimisinéirí Ioncaim a chur ar an eolas faoi agus na dleachtanna iompórtála (seachas CBL) a íoc.
Mótarfheithiclí
Ní mór feithiclí dá leithéid a bheith úsáidte i bpróiseas táirgthe an ghnó. I gcás gnó seirbhíse, ní mór na feithiclí a bheith úsáidte go díreach agus an tseirbhís á soláthar.
Féadtar feithiclí a iompórtáil freisin le faoiseamh ó Cháin Cláraithe Feithiclí (CCF) faoi aistriú gnó.
Ar aghaidh: Cé na hearraí nach gcáilíonn don fhaoiseamh?