Dliteanas CTCC

Cé atá faoi dhliteanas CTCC

Is é an duine dliteanach chun críocha na Cánach Talún Cónaí-Chriosaithe (CTCC) úinéir nó úinéirí an láithreáin ábhartha.

Sainmhínítear úinéir mar seo a leanas:

• an t-úinéir cláraithe, nó a mheastar a bheith cláraithe, faoin Acht um Chlárú Teidil 1964
• i gcás talamh a bheith neamhchláraithe, duine, seachas morgáistí nach bhfuil i seilbh, atá i dteideal cíos raca na talún a fháil, nó a bheadh i dteideal amhlaidh dá ligfí an talamh, cibé acu ina cheart féin nó ina ceart féin, nó mar iontaobhaí nó mar ghníomhaire nó d'aon duine eile
• nó
• aon duine eile a thugann a leas sa talamh teidlíocht dóibh an talamh a fhorbairt.

Tá an duine atá faoi dhliteanas freagrach as a chinntiú go gcomhlíontar a n-oibleagáidí i leith CTCC, lena n-áirítear tuairisceáin a thíolacadh agus cáin a íoc.

Duine Dliteanach Ainmnithe

Má tá níos mó ná úinéir amháin i ndáil le láithreán ábhartha, níl ort ach tuairisceán bliantúil amháin a thíolacadh.

Má tá níos mó ná duine dliteanach amháin i ndáil le láithreán ábhartha, ba chóir duit 'Duine Dliteanach Ainmnithe' a roghnú. Ba chóir do gach duine atá faoi dhliteanas don láithreán ábhartha an Duine Dliteanach Ainmnithe a ainmniú i gcomhpháirt. Ba chóir don Duine Dliteanach Ainmnithe an tuairisceán a ullmhú agus a thíolacadh thar ceann na gcomhúinéirí go léir.

Féadtar an Duine Dliteanach Ainmnithe a ainmniú agus an láithreán á chlárú agat. Mura n-ainmníonn tú Duine Dliteanach Ainmnithe, féadfaidh na Coimisinéirí Ioncaim Duine Dliteanach Ainmnithe a aithint ar do shon.

Más mian leat an Dliteanach Ainmnithe a athrú, ní mór duit na Coimisinéirí Ioncaim a chur ar an eolas i scríbhinn trí M'Fhiosruithe.