Aisíocaíochtaí, faoisimh agus díolúintí
Conas faoiseamh nó díolúine a éileamh
Má tá tú i dteideal díolúine nó faoisimh, éilíonn tú é nuair a thíolacann tú do Thuairisceán Dleachta Stampála. Le cabhair maidir leis na díolúintí agus faoisimh áirithe seo a éileamh, féach an Treoir bhreise.
I gcás cineálacha áirithe ionstraimí, ní gá duit tuairisceán a thíolacadh chun díolúintí nó faoisimh a éileamh. Mar shampla, ní thíolacann tú tuairisceán le haghaidh ionstraim, más rud é:
- go gcruthaíonn sé nascthionóntacht d’áit chónaithe an teaghlaigh idir céilí nó páirtnéirí sibhialta
- go mbaineann sé le cumaisc trasteorann áirithe agus cumaisc áirithe de chuid Cuideachtaí Poiblí Teoranta Eorpacha
- go n-aistríonn sé maoin chuig údaráis tithíochta nó chuig an nGníomhaireacht um Thithíocht
- nó
- go n-aistríonn sé maoin áirithe chuig an nGníomhaireacht Náisiúnta um Bainistíocht Sócmhainní (GNBS), nó uaidh.
Ina theannta sin, níl ort tuairisceán a thíolacadh le haghaidh ionstraim atá ina léas do mhaoin chónaithe (tithe agus árasáin):
- ar feadh tréimhse 35 bliain nó níos giorra, nó ar feadh tréimhse éiginnte
- nó
- nuair atá an cíos bliantúil €50,000 nó níos lú
Tabhair do d'aire
Má forghníomhaíodh an léas (sínithe, séalaithe nó an dá rud) roimh an 17 Nollaig 2023, féach Alt 2.6 den Lámhleabhar Cánach agus Dleachta Sceideal 1: Dleachtanna Stampála ar ionstraimí.
Níl ort tuairisceán a thíolacadh le haghaidh ionstraim trína n-aistrítear scaireanna, stoic nó urrúis indíolta más rud é:
- go bhfuil an chomaoin (nó an luach margaidh i gcás bronntanais) €1,000 nó níos lú
- agus
- nach bhfuil an ionstraim mar chuid d’idirbheart níos mó, nó mar chuid de shraith idirbheart.
Baineann sé seo le hionstraimí a fhorghníomhaítear ar an 24 Nollaig 2008 nó dá éis.
Tá cásanna eile ann nach dteastaíonn uait Tuairisceán Dleachta Stampála a thíolacadh chun díolúine nó faoiseamh a éileamh. Le haghaidh tuilleadh eolais orthu seo, féach Obligation to file a Stamp Duty Return.
Ar aghaidh: Teorainn ama ar éilimh aisíocaíochta i leith Dleacht Stampa