Nótaí an Mhúinteora

Cén chaoi leis an modúl seo a úsáid

Tá réimse ábhar saor in aisce sa mhodúl 'Bunchúrsa Cánach', lena n-áirítear:

• Cur i láthair PowerPoint.
• Pleananna ceachta.
• Gníomhaíochtaí Scoláire.
• Leabhráin na bhfreagraí.
• Aon ábhair fhorlíontacha bhreise.
• Ceistneoirí atá le déanamh roimh agus i ndiaidh na modúil.

Tá pleananna ceachta mionsonraithe san áireamh do gach aonad. Tuigeann na Coimisinéirí Ioncaim, áfach, go bhfuil gach scoláire uathúil. Dá bhrí sin, moltar do mhúinteoirí athbhreithniú a dhéanamh ar na hábhair aonaid sula múineann siad an t-aonad chun deis a thabhairt dóibh na hábhair a chur in oiriúint dá rang.

Bheadh nasc idirlín ina bhuntáiste ach níl sé riachtanach. I gcás nach bhfuil nasc idirlíon ar fáil, cuirtear cleachtaí eile ar fáil ach amháin i gcás roinnt ábhar bhreise in Aonad 5.

Chun tuilleadh eolais a fháil, déan teagmháil linn ag taxeducation@revenue.ie.

Féinmheasúnú

Níl scrúdú do scoláirí sa mhodúl. Déantar measúnú ar scoláirí tar éis dóibh dialann foghlama a chomhlánú chomh maith lena rannpháirtíocht sa rang.

Deimhniú Críochnaithe

Tá Deimhniú Críochnaithe ar fáil do scoláirí trí iarratas a sheoladh chuig taxeducation@revenue.ie. Cuir ainm iomlán do scoile, uimhir rolla na scoile, agus líon na scoláirí a chríochnaigh an modúl san áireamh (ná cuir ainmneacha na scoláirí san áireamh).

Chun an Teastas Críochnaithe modúil a fháil, ba chóir go mbeadh ar a laghad 3 cinn de na 8 n-aonad críochnaithe ag scoláirí. De rogha air sin, tá Teastas Críochnaithe aonadbhunaithe ar fáil do scoláirí a bhfuil aonad nó dhó den mhodúl críochnaithe acu. Le haghaidh tuilleadh eolais, féach ar Nótaí an Mhúinteora.

Ar aghaidh: Nótaí an Mhúinteora