Féinchuntasaíocht i leith CBL ar sheirbhísí a fhaightear
Nuair atá tú ag fáil seirbhísí go heachtrach chun críocha gnó, féadfaidh sé go mbeidh ort clárú le haghaidh Cáin Bhreisluacha (CBL) sa Stát agus cuntas a thabhairt uirthi. Féadann seirbhísí a fhaightear go heachtrach a bheith ina seirbhísí ón Aontas Eorpach (AE) agus ó thaobh amuigh den AE. Sna cúinsí seo, breathnaítear ort mar sholáthraí na seirbhísí chun críocha CBL.
Níl aon tairseach clárúcháin ann le haghaidh seirbhísí a fhaightear.
Gnó cláraithe le haghaidh CBL
Ní mór duit cuntas a thabhairt ar CBL ar do thuairisceán tréimhsiúil CBL ar na méideanna sonraisc ag an ráta cuí CBL in Éirinn. Caitear leat amhail tusa a rinne an soláthar. Tugtar féinchuntasaíocht air seo.
Ní mór duit d’uimhir CBL a thabhairt do do sholáthraí, é sin nó féadfaidh sé go mbeidh ort CBL a íoc sa Bhallstát eile.
Féadfaidh sé go mbeidh tú i dteideal an CBL a éileamh ar ais sa tuairisceán céanna CBL.
Gnó díolmhaithe ó CBL
Comhlachtaí atá díolmhaithe ó CBL a fhaigheann seirbhísí incháinithe chun críocha gnó lasmuigh den Stát, ní mór dóibh clárú le haghaidh CBL agus cuntas a thabhairt ar CBL in Éirinn. Samplaí de ghnóthaí atá díolmhaithe ó CBL ná geallghlacadóirí, bainc, cuideachtaí árachais.
Feirmeoirí cothromráta, iascairí agus traenálaithe capall rásaíochta
Tá feirmeoirí cothromráta, iascairí agus traenálaithe capall rásaíochta a chláraíonn i ndáil le seirbhísí den sórt sin a fháil, i dteideal a stádas neamhchláraithe a choimeád maidir lena ngníomhartha feirmeoireachta agus iascaireachta.
Soláthar seirbhísí do dhaoine dlítheanacha neamh-incháinithe
Daoine dlítheanacha neamh-incháinithe a bhfuil uimhir a bhfuil gá uimhir CBL a bheith acu, iarrtar orthu a n-uimhir CBL a thabhairt do sholáthraithe eachtracha agus féinchuntasaíocht a dhéanamh ar na seirbhísí a fhaightear. Samplaí de dhaoine dlítheanacha neamh-incháinithe ná údaráis áitiúla, gníomhaireachtaí Stáit agus comhlachtaí leathstáit.
Daoine dlítheanacha neamh-incháinithe nach bhfuil uimhir CBL acu, ní iarrtar orthu cuntas a thabhairt ar CBL ar sheirbhísí a fhaightear go heachtrach.
- Sampla 1
Faigheann ABC Teoranta seirbhísí sainchomhairleoireachta ó ghnó Gearmánach agus gearrtar táille €100,000 air.
Iarrtar ar ABC Teoranta cuntas a thabhairt ar an CBL in Éirinn ina dtuairisceán CBL in Éirinn mar seo a leanas:
Táille shainchomhairleoireachta ar an sonrasc = €100,000
Ráta CBL in Éirinn = 23%
100,000 @ 23% = €23,000
Méid CBL in Éirinn = €23,000
Cuireann ABC Teoranta an CBL san áireamh sa tseirbhís sainchomhairleoireachta ina dtuairisceán CBL (T1 – Díolacháin). Féadfaidh sé go mbeidh ABC Teoranta in ann an CBL a aiséileamh sa tuairisceán céanna CBL (T2 – Ceannacháin).
- Sampla 2
Comhairle Contae nach bhfuil uimhir CBL acu, faigheann siad seirbhísí ó ghnó sa Fhrainc. Ós rud é nach bhfuil uimhir CBL ag an gcomhairle, níl orthu féinchuntasaíocht i leith CBL a dhéanamh ar an tseirbhís a fhaigheann siad.