Baile   Cáin Cláraithe Feithiclí (CCF)  

Feithiclí a iompórtáil ón mBreatain Mhór agus Tuaisceart Éireann

  1. Léargas ginearálta
  2. Feithiclí nua agus déileálaithe mótar le feithiclí réamhiniúchta
  3. Na himpleachtaí CBL a bhaineann le feithiclí a iompórtáil ón mBreatain Mhór agus Tuaisceart Éireann
  4. Feithicil a iompórtáil ón mBreatain Mhór
  5. Faoiseamh ar Earraí Aisdúichithe
  6. Feithiclí ó Thuaisceart Éireann a chlárú
  7. Feithiclí a iompórtáiltear ó Thuaisceart Éireann, nó a threoraítear tríthi
  8. Feithiclí cláraithe gan chruthúnas ar dhearbhú do chustaim i dTuaisceart Éireann

Feithiclí ó Thuaisceart Éireann a chlárú

Feithiclí athláimhe a ceannaíodh i dTuaisceart Éireann a chlárú

Féadtar feithicil a bhí in úsáid roimhe seo i dTuaisceart Éireann a chlárú le haghaidh Cáin Cláraithe Feithiclí (CCFT) sa Stát, gan dliteanas i leith dleachtanna Custam breise agus gan dliteanas iompórtála na Cánach Breisluacha (CBL). Beidh gá le cruthúnas a thaispeánann go raibh an fheithicil faoi úinéireacht phríobháideach ar feadh tréimhse réasúnta ama.

Beidh cruthúnas ar Dhearbhú Custam ag teastáil ó fheithiclí ceannaithe ó dhíoltóirí Thuaisceart Éireann nach raibh in úsáid i dTuaisceart Éireann roimhe seo (mar shampla, feithiclí a bhí in úsáid sa Bhreatain Mhór sular cheannaigh díoltóir Thuaisceart Éireann iad).

Beidh feithiclí a aistríodh chuig Tuaisceart Éireann iad roimh an 1 Bealtaine 2023 faoi réir riachtanais CBL bhreise má iompórtáiltear iad isteach chun an Stáit freisin. Ní mór na riachtanais bhreise seo a chomhlánú roimh an bhfeithicil a chur i láthair le haghaidh clárúcháin.

Féadtar feithiclí a cheannaítear tar éis an 30 Aibreán 2024 a chlárú sa Stát gan a bheith faoi réir riachtanais bhreise seo, ach beidh gá fós le cruthúnas ar Dhearbhú Custam nó cruthúnas a thaispeánann go raibh an fheithicil faoi úinéireacht phríobháideach i dTuaisceart Éireann ar feadh tréimhse réasúnta ama.

Teastóidh cruthúnas ar stádas na feithicle i dTuaisceart Éireann roimh an gceannach, amhail:

  • cóip den V5C a léiríonn an coimeádaí cláraithe is déanaí i dTuaisceart Éireann agus dáta clárúcháin an choimeádaí sin
  • Aireacht Iompair (MOT) stair tástála i dTuaisceart Éireann
  • cruthúnas ar Dhearbhú Custam ina sainaithnítear go soiléir an fheithicil shonrach agus an dáta iompórtála araon
  • nó
  • ticéad báid farantóireachta ar a léirítear dáta teachta isteach chuig Tuaisceart Éireann a shonraíonn go soiléir an fheithicil shonrach.

Ní mór mótarfheithiclí sa Stát a chlárú taobh istigh de 30 lá ón dáta iontrála. Cláraíonn an tSeirbhís Náisiúnta Tástála Carranna feithiclí ar son na gCoimisinéirí Ioncaim.

Tabhair do d’aire

Sula gceannaíonn tú feithicil i dTuaisceart Éireann, cinntigh le do thoil go bhfuil sciar de na cruthúnais, nó na cruthúnais uile atá liostaithe thuas agat. Tabhair do d’aire ach go háirithe an ceanglas nach mór an fheithicil ar leith a shainaithint. Gan na cruthúnais seo, beidh tú faoi dhliteanas Dleacht Custam agus CBL a íoc sular féidir an fheithicil a chlárú in Éirinn.

Ar aghaidh: Feithiclí a iompórtáiltear ó Thuaisceart Éireann, nó a threoraítear tríthi

Leathanach baile Ar ais go barr