Scéim Fíorúcháin um Shonraí Geografacha d'Uisce Beatha Éireannach agus Poitín Éireannach
Céard is fíorúchán ann?
Má dhéanann tú táirgeadh nó margaíocht ar uisce beatha Éireannach nó poitín Éireannach, ní mór duit cloí leis na riachtanais atá leagtha amach sa Chomhad Teicniúil. Féadfaidh sé go bhfuil roinnt áitribh éagsúla i gceist le uisce beatha Éireannach nó poitín Éireannach a tháirgeadh. Tabharfaidh na Coimisinéirí Ioncaim cuairt ar d’áitreabh agus déanfaidh seiceáil ar gach céim táirgeachta i ngach áitreabh.
Tá na céimeanna seo a leanas i gceist le huisce beatha Éireannach a tháirgeadh:
- grúdaireacht
- coipeadh
- driogaireacht
- aibiúchán
- meascadh, buidéalú agus lipéadú.
Tá na céimeanna seo a leanas i gceist le poitín Éireannach a tháirgeadh:
- grúdaireacht
- coipeadh
- driogaireacht
- buidéalú agus lipéadú.
Ní mór go ndéanfá an ghrúdaireacht, an coipeadh agus an driogaireacht ar an áitreabh céanna.
Féadtar breathnú ar an tseiceáil a dhéanann oifigigh na gCoimisinéirí Ioncaim sna seicliostaí seo a leanas:
Ní mór go léireofaí ar do chórais agus do thaifid don áitreabh go bhfuil tú ag cloí leis an gComhad Teicniúil. Déanfaidh na Coimisinéirí Ioncaim seiceáil chomh maith ar inrianaitheacht táirgí. Ní mór duit cur síos a dhéanamh ar do chórais agus taifid nuair a chuireann tú d’fhoirm iarratais isteach.
Eiseoidh na Coimisinéirí Ioncaim, ar iarratas, deimhniú go bhfuil fíorú déantar ar na próisis a chuirtear i gcrích ag an tsaoráid táirgeachta.
Féadtar an táirge a bhogadh ó shaoráid fhíoraithe amháin go saoráid fhíoraithe eile in Éirinn d’fhonn aibiúchán nó buidéalú. Chomh maith le riachtanais Sonraí Geografacha, ní mór duit a chinntiú go bhfuil tú ag cloí le rialacháin máil maidir le gluaiseacht táirge dleachta ar fionraí.
Má fuarthas an táirge ó áitreabh fhíoraithe eile, ní mór go ndéanann na Coimisinéirí Ioncaim é seo a fhíorú. Má tá siad fíoraithe, glacfaidh na Coimisinéirí Ioncaim leis gur uisce beatha Éireannach nó poitín Éireannach é an táirge a fhaightear d’fhonn aibiúchán nó buidéalú.
Má tá tú ag fáil táirge le haghaidh aibiúchán nó buidéalú ó áitreabh táirgthe Uisce Beatha nó Poitín eile, ní mór go mbeadh fíorúcháin i leith Shonraí Geografacha bainte amach ag an áitreabh sin. Le linn an iompair, ní mór duit cóip den litir fíoraithe i leith Shonraí Geografacha ó táirgeoir do tháirgí a choinneáil le haghaidh do thaifead.
Ar aghaidh: Cé ba chóir cur isteach ar fhíorúchán?