CESOP- íocaíochtaí trasteorann AE a thuairisciú
Sonraíochtaí tíolactha agus cáilíocht sonraí
D'fhéadfadh sonraíochtaí tíolactha agus nósanna imeachta tuairiscithe an Lárchórais Leictreonaigh Faisnéise Íocaíochta (CESOP) a bheith éagsúil i ngach Ballstát an Aontais Eorpaigh (AE).
Ón 19 Meán Fómhair 2025 i leith, ní ghlacann na Coimisinéirí Ioncaim ach le comhaid atá comhoiriúnach agus a chomhlíonann na nithe seo a leanas:
- Modúl Bailíochtaithe Leagan 1.7.0
- XSD Leagan 5.00
- XML Leagan 4.03.
Tabhair do d'aire
Ní ghlacann na Coimisinéirí Ioncaim le leaganacha roimhe seo.
Tá an méid seo a leanas san fhillteán seo chun cabhrú leat do phróiseas bailíochtaithe reatha a nuashonrú:
- Módúl Bailíochtaithe CESOP Leagan v1.7.0
- Lámhleabhar Úsáideora v5.00
- comhad inrite Jar v1.7.0
- doiciméid tacaíochta eile.
Is é Coimisiún an AE a chruthaíonn agus a thacaíonn leis an Modúl Bailíochtaithe. Níl athruithe déanta ag na Coimisinéirí Ioncaim ar an modúl seo agus ní dhéanfaidh siad aon athruithe air.
Tá leathanach gréasáin tiomnaithe ag an gCoimisiún Eorpach ina dtugtar achoimre ar na príomhdhoiciméid maidir le tuairisciú agus tíolacthaí CESOP.
Ba chóir do gach Soláthraí Seirbhíse Íocaíochta (SSÍ) a bhfuil oibleagáid tuairiscithe orthu maidir le CESOP in Éirinn monatóireacht a dhéanamh ar an leathanach seo agus ar leathanach gréasáin an Choimisiúin le haghaidh nuashonruithe.
Ba cheart do SSÍanna a bhfuil oibleagáid tuairiscithe orthu i mBallstáit eile na sonraíochtaí a nglactar leo i ngach Ballstát a dheimhniú.
Cáilíocht na Sonraí
Ar an 29 Meitheamh 2026, d'fhoilsigh Coimisiún an AE Seicliosta Cáilíochta Sonraí chun cabhrú le SSÍ bearnaí nó neamhréireachtaí féideartha sna sonraí atá á dtuairisciú acu a aithint.
Tríd an seicliosta seo a úsáid, féadann SSÍ:
- féin-athbhreithniú a dhéanamh ar a dtíolacthaí CESOP go dtí seo
- agus
- seiceáil réamhthíolacadh a dhéanamh chun cruinneas cáilíochta na sonraí a fhíorú sula ndéantar iad a thíolacadh go ráithiúil.
Ó mhí an Mheithimh 2026, ba chóir do SSÍ:
- athbhreithniú a dhéanamh ar a dtuairisciú stairiúil agus a chinntiú go gceartaíonn siad aon bhearnaí nó neamhréireachtaí sonraí de réir mar is gá
- an seicliosta a úsáid mar uirlis tagartha le haghaidh athbhreithnithe tuairiscithe leanúnacha roimh thíolacadh ráithiúil
- an seicliosta seo a scaipeadh ar na geallsealbhóirí inmheánacha agus seachtracha go léir a thacaíonn leo chun a n-oibleagáidí tuairiscithe maidir le CESOP a chomhlíonadh
- agus
- a chinntiú go ndéanann na geallsealbhóirí, na soláthraithe seirbhíse TF agus na gníomhairí ábhartha go léir a impleachtaí a bhreithniú agus go ngníomhóidh siad dá réir.
Féadtar Seicliosta Cáilíochta Sonraí CESOP a fháil ar leathanach idirlín tiomnaithe CESOP an Choimisiúin Eorpaigh. Níl an seicliosta seo uileghabhálach agus dá bhrí sin ní mór é a léamh i gcomhréir le key documents for CESOP reporting and filing.