CESOP- íocaíochtaí trasteorann AE a thuairisciú
Íocaíochtaí a thuairisciú
Beidh ar Sholáthraithe Seirbhíse Íocaíochta (PSP) tuairisceán sonraí a dhéanamh ar íocaíochtaí trasteorann gach ráithe. Teastaíonn an tuairisceán ar gach riarachán cánach faoi dheireadh na míosa tar éis dheireadh na ráithe. Mar shampla, ba chóir do PSP tuairisceán a thíolacadh chuig gach riarachán cánach don chéad ráithe de 2024 faoin 30 Aibreán 2024.
Tá CESOP – Guidelines for the reporting of payment data eisithe ag an European Union (EU) Commission Taxation and Customs Union.
Tá liosta dréachtaithe ag an gCoimisiún Eorpach freisin de CESOP frequently asked questions.
Cé leis a dhéanann an PSP an tuairisciú?
Iarrtar ar PSP tuairisceán a thabhairt do gach Ballstát ina soláthraíonn sé seirbhísí a thagann faoi raon feidhme na hoibleagáide tuairiscithe.
Mar shampla, féadfaidh PSP atá bunaithe sa Bheilg seirbhísí íocaíochta a sholáthar d’íocaithe sa Bheilg, sa Fhrainc agus san Ísiltír. I gcásanna den sórt sin, beidh ar an PSP tuairisceáin a thíolacadh i ngach ceann de na trí thír sin.
An chaoi le tuairisceán a thíolacadh?
Ní mór do gach PSP tuairisceáin a dhéanamh go leictreonach i bhformáid XML sonraithe. Tá treoir Payment data XSD User Guide (Version 4.61) eisithe agus nuashonraithe ag an European Union (EU) Commission Taxation and Customs Union.
Tugann an treoir d’úsáideoirí tuilleadh treoracha do PSPanna maidir le gach gné den tuairisceán. Tá na Coimisinéirí Ioncaim ag forbairt an bhonneagair TF a theastaíonn chun tuairisceáin tíolactha ag Soláthraithe Seirbhíse Íocaíochta a bhailíochtú san fhormáid shainithe.
Chun tacú le PSPanna a bhfuil dualgas orthu tíolacthaí a dhéanamh i ndlínsí éagsúla, d'fhoilsigh Coimisiún an AE liosta de Thairseacha Náisiúnta CESOP.
I gcás fiosruithe, seol ríomhphost chuig CESOPEnquiries@revenue.ie.
Tá tuilleadh eolais ar fáil ar shuíomh idirlín An Coimisiún Eorpach ag:
Is trí Sheirbhís ar Líne na gCoimisinéirí Ioncaim (ROS) nó tríd an iarratas ar Chlárú Neamhchónaitheoirí (NRR) a dhéantar gach clárúchán le haghaidh CESOP.
Ar aghaidh: Clárúchán CESOP