Earraí a athiompórtáiltear isteach san Aontas Eorpach (Faoiseamh i leith Earraí Aisdúichithe)
Nós imeachta ag tráth na hathiompórtála ar earraí easpórtáilte
Teastóidh cruthúnas uait gurb iad na hearraí athiompórtáilte iad na hearraí a easpórtáladh. I gcás earraí talmhaíochta ar íocadh aisíocaíochtaí easpórtála ina leith, beidh ort cruthúnas a chur ar fáil gur diúltaíodh do na hearraí. Ní mór gur diúltaíodh na hearraí ar cheann de na cúiseanna a bhfuil cur síos orthu faoi na rialacha d’earraí talmhaíochta.
Ní mór seoltóir na n-earraí an méid seo a leanas a dhéanamh:
- fianaise liostaithe thuas a cheangal den taobh amuigh den phacáiste agus iad a mharcáil mar ‘dhoiciméid custam’.
- eolas maidir leis na hearraí a sholáthar chuig an tseirbhís post nó cúiréir atá ag láimhseáil an beart. Ní mór go bhfuil an méid seo a leanas áirithe le heolas maidir leis na hearraí:
- cur siós cruinn
- cód tráchtearra
- agus
- an luach.
- marcáil an beart ‘Earraí aisdúichithe: díolúine ó mhuirir iompórtála éilithe’.
Féadann cúiréir nó seirbhís post ag láimhseáil an beart an t-eolas seo a úsáid chun dearbhú custaim leictreonach a chomhlánú ag baint úsáid as Córas Iompórtála Uathoibríoch (CIU) na gCoimisinéirí Ioncaim.
Ní mór dóibh, ar an dearbhú custam:
- na hearraí a dearbhú mar earraí aisdúichithe
- ceann de na cóid seo a leanas a chur isteach in D/E 1/11:
- Earraí aisdúichithe - faoiseamh ó Dhleacht Custam amháin: F01
- Earraí aisdúichithe – earraí talmhaíochta a bhain leas as aisíocaíochtaí easpórtála: F02
- Earraí aisdúichithe – earraí a cóiríodh, a deisíodh nó a athchóiríodh thar lear: F03
- Earraí aisdúichithe - faoiseamh ó Dhleacht Custam agus CBL (earraí athiompórtáilte ag an duine céanna a d’easpórtáil ar dtús iad): F05.
- an cód cuí um nós imeachta a chur isteach in D/E 1/10
- é seo a leanas a chur isteach in D/E 2/3 den dearbhú athiompórtála:
- Cód 1Q27 agus uimhir do dhearbhaithe bhunaidh easpórtála
- nó
- Cód 1Q99 agus uimhir an INF3.
Ar aghaidh: Cruthúnas gur easpórtáladh ón Aontas Eorpach (AE) na hearraí a athiompórtáladh