Professional subscriptions
Féadfaidh fostóirí síntiús a íoc le comhlacht gairmiúil dá bhfostaithe. Is iondúil go mbíonn an íocaíocht seo inchánach. Ní mór don fhostaí Cáin Ioncaim, Árachas Sóisialach Pá-Choibhneasa (ÁSPC) agus Muirear Sóisialach Uilíoch (MSU) a íoc ar luach an tsíntiúis ghairmiúil.
Mar sin féin, i gcúinsí teoranta agus srianta féadann fostóirí síntiúis ghairmiúla a íoc gan cáin a asbhaint.
Cén uair a bhíonn síntiús saor ó cháin?
Féadann fostóirí sintiúis ghairmiúla a íoc d'fhostaí gan cáin a asbhaint sna cásanna seo a leanas:
Ceanglas an dlí
Tá ceanglas dlíthiúil ann d'fhostaí:
- a bheith mar bhall de chomhlacht gairmiúil
- nó
- teastas nó ceadúnas cleachta a bheith aige.
Riachtanach le haghaidh dualgais shonracha
Sa chás nach riachtanas dlíthiúil í ballraíocht, ach go bhfuil sé riachtanach chun go gcomhlíonfaidh an fostaí a raon iomlán dá dhualgais.
Riachtanas tráchtála
Sa chás go bhfuil an bhallraíocht nó an deimhniú ag teastáil chun go mbeidh an gnó in ann a bheith i mbun trádála. Mar shampla, tá ballraíocht ag teastáil chun polasaí árachais slánaíochta an fhostóra a bhailíochtú.
Coinníoll riachtanach fostaíochta
Is coinníoll éigeantach den phost í an bhallraíocht nó an deimhniú. Léirítear é seo de ghnáth sa chás:
- gur ceanglas é i gconradh an fhostaí,
- nach mór do gach fostaí atá sa ról céanna an bhallraíocht a bheith acu
- agus
- go bhfógraítear don ról céanna an deimhniú ballraíochta mar riachtanas poist.
Go ginearálta, ní fhéadtar ach síntiús gairmiúil amháin in aghaidh an fhostaí a chur ar fáil saor ó cháin. Tá feidhm aige seo sa chás go gcuireann ballraíochtaí iomadúla ar chumas an fhostaí na dualgais chéanna nó chomhchosúla a chomhlíonadh.