Gníomhaire cánach nó seirbhís cánach a úsáid

Athruithe atá le teacht ar údaruithe do ghníomhairí cánach

Tá na Coimisinéirí Ioncaim ag tarraingt siar an phróisis A2 do cháiníocóirí Íoca Mar a Thuillir (ÍMAT). Lig an áis seo do cháiníocóirí ÍMAT údarú a thabhairt le haghaidh aisíocaíochtaí a íoc isteach i gcuntas bainc a ngníomhaire. Áirítear leis na haisíocaíochtaí seo ró-íocaíochtaí i dtaca le:

  • Cáin Ioncaim
  • agus
  • Muirear Sóisialach Uilíoch (MSU).

Tá na Coimisinéirí Ioncaim tar éis an próiseas A2 a tharraingt siar d'aon chliaint nua a chláraíonn le gníomhaire le héifeacht ón 1 Eanáir 2025. Tarraingeofar siar an próiseas A2 d'aon chliaint reatha a chláraigh roimh an 1 Eanáir 2025 faoin 31 Nollaig 2025.

Bainfidh na Coimisinéirí Ioncaim na sonraí bainc uile a bhaineann le gníomhairí ó thaifid chustaiméirí faoin 31 Nollaig 2025. Ón 1 Eanáir 2025 ar aghaidh, ní bheidh an próiseas A2 ar fáil a thuilleadh.

Tabhair do d'aire

Ba cheart duit na sonraí bainc ar do thaifead moChúrsaí a sheiceáil lena chinntiú gurb iad do chuid féin atá ann. Cinnteoidh sé seo go ndéanfar aon aisíocaíocht amach anseo a íoc díreach chugat gan mhoill.

I measc na mbuntáistí a bhaineann le deireadh a chur leis an bpróiseas seo tá:

  • rioscaí a laghdú do cháiníocóirí
  • stop a chur le hathruithe neamhúdaraithe ar shonraí bainc an chustaiméara
  • agus
  • deireadh a chur leis an ngá atá le gníomhairí aisíocaíochtaí a choinneáil sa chás nach féidir leo dul i dteagmháil leis an gcliant.

Aithníonn na Coimisinéirí Ioncaim an obair luachmhar a dhéanann gníomhairí chun cabhrú lena gcliaint a n-oibleagáidí cánach agus dleachta a chomhlíonadh go deonach. Ní chuirfidh tarraingt siar an phróisis A2 cosc ar cháiníocóirí ÍMAT gníomhaire a fhostú chun a dtuairisceáin ÍMAT a thíolacadh.