Díolúine agus faoiseamh imeallach

Conas a dheonaítear an díolúine

Má fhanann d'ioncam iomlán laistigh de na teorainneacha díolúine, ní íocann tú Cáin Ioncaim. Má fhaigheann tú an díolúine aoise, ní féidir leat creidmheasanna nó faoisimh bhreise a éileamh (mar shampla, costais sláinte).

Más cáiníocóir féinmheasúnaithe thú agus má tá tú i dteideal an díolúine, cuireann na Coimisinéirí Ioncaim i bhfeidhm í tar éis duit do Thuairisceán Cánach Ioncaim a thíolacadh.

Más cáiníocóir ÍMAT thú agus má tá tú i dteideal díolúine aoise, oibríonn na Coimisinéirí Ioncaim í tríd an gcóras ÍMAT go huathoibríoch. Ciallaíonn sé seo nach gá duit iarratas a dhéanamh. Deonaíonn na Coimisinéirí Ioncaim an díolúine tar éis dheireadh na bliana cánach ina dtagann tú de bheith i dteideal. Má tá aisíocaíocht chánach mar thoradh ar an díolúine, ní mór duit Tuairisceán Cánach Ioncaim a thíolacadh chun d'aisíocaíocht a fháil.

Féadtar iarratas a dhéanamh ar an díolúine aoise i rith na bliana cánach freisin. Oibríonn na Coimisinéirí Ioncaim é sin tríd an gcóras ÍMAT freisin. Ciallaíonn sé seo nach n-asbhaineann d'fhostóir ná do sholáthraí pinsin Cáin Ioncaim ó do thuarastal ná ó do phinsean.

Is é an bealach is tapúla agus is éasca chun iarratas a dhéanamh ar an díolúine, mura bhfuil sé deonaithe cheana féin, ná tríd moChúrsaí.

Má sháraíonn d’ioncam iomlán na teorainneacha díolúine, d'fhéadfá cáiliú d'fhaoiseamh imeallach. Tá tuilleadh eolais ar fhaoiseamh imeallach ar fáil ar an leathanach 'Faoiseamh imeallach'.

Ar aghaidh: Faoiseamh imeallach