Baile   Maoin   Dleacht Stampála  

Scéim Aisíocaíochta na Dleachta Stampa ar Fhorbraíochtaí Cónaitheacha

Cé mhéad a fhéadtar a éileamh?

I gcás aonaid teaghaise aonair agus ilaonad teaghaise araon, is é suim uasta na haisíocaíochta a fhéadtar a éileamh ná:

  • aon chúigiú déag má d’íoc tú Dleacht Stampa ag an ráta 7.5% (le haghaidh ghníomhais a forghníomhaíodh ar an 9 Deireadh Fómhair 2019 nó dá éis)
  • agus
  • aon chúigiú déag déag má d’íoc tú Dleacht Stampa ag an ráta 6% (le haghaidh ghníomhais a forghníomhaíodh roimh 9 Deireadh Fómhair 2019)

Ríomhtar méid na haisíocaíochta ag baint úsáid as an bhfoirmle:

  • A × B × (11 ÷ 15)
  • nó
  • A × B × (2 ÷ 3)

má:

  • Is é A an méid Dleachta Stampa a íocadh
  • agus
  • Is é B achar na talún atá á éileamh. Tugadh é seo mar chodán nuair nach bhfuil an t-achar iomlán á éileamh. Le haghaidh tuilleadh eolais, féach na samplaí thíos.

Ní éilítear aisíocaíocht ach amháin ar achar na talún atá clúdaithe ag an bhFógra um Thosach Feidhme.

I gcás aonaid teaghaise aonair, féadtar achar an tí agus an chúirtealáiste a éileamh suas le 0.4047 heicteár (1 acra). Ní mór an chúirtealáiste a sháríonn 0.4047ha a eisiamh ó d'éileamh. Ní fholaíonn an cúirtealáiste an mhaoin. Is é an cúirtealáiste an t-achar timpeall an tí amhail gairdíní, cosáin agus cabhsáin. Féach Sampla 2 le do thoil.

I gcás ilaonad teaghaise, féadtar aisíocaíocht a éileamh fós ar achar talún a fholaíonn foirgnimh neamhchónaithe. Ní mór teaghaisí cónaithe a bheith san áireamh san Fhógra um Thosach Feidhme agus an riail 75% a chomhlíonadh chun cáiliú le haghaidh aisíocaíocht. Baineann an riail 75% leis na haonaid chónaithe amháin. Ní fhéadtar na foirgnimh neamhchónaithe a úsáid agus an lorg nó an t-achar comhlán urláir á ríomh. Is fánach a láithreacht. Féach Sampla 4 le do thoil.

  • Sampla 1

    Cheannaigh Máire suíomh 0.42 heicteár ar €100,000. Forghníomhaíodh an gníomhas aistrithe ar an 12 Feabhra 2021. Thíolaic Máire Tuairisceán Dleachta Stampa agus d’íoc sí Dleacht Stampa ag ráta 7.5% (€7,500).

    Rinne sí iarratas ar an 13 Márta 2021 ar chead pleanála chun teach a thógáil ar an suíomh. Tugadh cead pleanála ar an 1 Bealtaine 2021. Ar an 15 Meitheamh 2021, chuir sí an Fógra um Thosach Feidhme isteach faoi bhráid an Údaráis Áitiúil. Is é 0.42 heicteár achar na talún atá clúdaithe ag an bhFógra um Thosach Feidhme.

    Ar an 20 Meitheamh 2021, d’admhaigh an tÚdarás Áitiúil gur Fógra Tosach Feidhme bailí é. Thosaigh Máire ag tógáil ansin.

    Ní gá do Mháire an ‘tástáil 75%’ a shásamh toisc go bhfuil aonad teaghaise aonair á thógáil aici. Clúdaíonn an teach achar 0.02 agus clúdaíonn an cúirtealáiste achar 0.4 heicteár. Féadfaidh Máire aisíocaíocht a éileamh chomh luath is a thosaíonn obair tógála. Gheobhaidh Máire aisíocaíocht €5,500 (€7,500 × (0.42 ÷ 0.42) × (11 ÷ 15)).

  • Sampla 2

    Cheannaigh Ruaidhrí suíomh 0.06 heictéar ar €160,000. Forghníomhaíodh an gníomhas aistrithe ar an 12 Feabhra 2021. Thíolaic Ruaidhrí tuairisceán Dleachta Stampa agus d’íoc sé Dleacht Stampa ag ráta 7.5% (€12,000).

    Ar an 13 Márta 2021 rinne sé iarratas ar chead pleanála chun teach a thógáil ar an suíomh. Tugadh cead pleanála ar an 1 Bealtaine 2021. Chuir sé an Fógra um Thosach Feidhme isteach faoi bhráid an Údaráis Áitiúil ar an 15 Meitheamh 2021. Is é 0.025 heicteár achar na talún atá clúdaithe ag an bhFógra um Thosach Feidhme.

    Ar an 20 Meitheamh 2021, d’admhaigh an tÚdarás Áitiúil gur Fógra Tosach Feidhme bailí é. Thosaigh Ruaidhrí ag tógáil ansin. 

    Ní gá do Ruaidhrí an ‘tástáil 75%’ a shásamh toisc go bhfuil aonad teaghaise aonair á thógáil aige. Clúdaíonn an teach achar 0.015 agus clúdaíonn an cúirtealáiste achar 0.010 heicteár. Ní fhéadann Ruaidhrí ach aisíocaíocht maidir leis an Dleacht Stampa a d’íoc sé ar 0.025 heicteár a éileamh chomh luath is a thosaíonn obair tógála.

    Gheobhaidh Ruaidhrí aisíocaíocht €3,667 (€12,000 × (0.025 ÷ 0.06) × (11 ÷ 15)).

  • Sampla 3

    Cheannaígh MNP DAC suíomh 1 heicteár ar €1,000,000 ar a bhfuil sé beartaithe acu 20 teach a thógáil in dhá chéim. Forghníomhaíodh an gníomhas aistrithe ar an 11 Nollaig 2020.

    Thíolaic MNP DAC Tuairisceán Dleachta Stampa agus d’íoc siad Dleacht Stampa ag ráta 7.5%. Is é €75,000 an Dleacht Stampa íoctha.

    Ar an 13 Eanáir 2021, rinne MNP DAC iarratas ar chead pleanála chun 20 teach a thógáil ar an suíomh. Tugadh cead pleanála ar an 15 Bealtaine 2021.

    Chuir MNP DAC Fógra um Thosach Feidhme do Chéim 1 isteach chuig an Údarás Áitiúil ar an 14 Meitheamh 2021.

    Clúdaíonn an Fógra um Thosach Feidhme do Chéim 1 achar 0.4 heicteár. Comhlíonfaidh Céim 1 an ‘tástáil 75%’.

    D’admhaigh an tÚdarás Áitiúil an Fógra um Thosach Feidhme mar fhógra bailí ar an 24 Meitheamh 2021.

    Thosaigh MNP DAC ag tógáil Chéim 1 ar 3 Iúil. Féadfaidh MNP DAC aisíocaíocht maidir leis an Dleacht Stampa a d’íoc sé ar 0.4 heicteár a éileamh ón uair a thosaíonn obair tógála.

    Gheobhaidh MNP DAC aisíocaíocht €22,000 (€75,000 × (0. 4 ÷ 1) × (11 ÷ 15)).

    Chuir MNP DAC Fógra um Thosach Feidhme do Chéim 2 isteach chuig an Údarás Áitiúil ar an 10 Deireadh Fómhair 2021.

    Clúdaíonn an Fógra um Thosach Feidhme do Chéim 2 achar 0.6 heicteár. Comhlíonfaidh Céim 2 an ‘tástáil 75%’ chomh maith. 

    D’admhaigh an tÚdarás Áitiúil an Fógra um Thosach Feidhme mar fhógra bailí ar an 20 Deireadh Fómhair 2021.

    Thosaigh MNP DAC ag tógáil Chéim 2 ar 3 Samhain 2021. Féadfaidh MNP DAC aisíocaíocht maidir leis an Dleacht Stampa a d’íoc sé ar 0.6 heicteár a éileamh ón uair a thosaíonn obair tógála.

    Gheobhaidh MNP DAC aisíocaíocht bhreise €33,000 (€75,000 × (0.6 ÷ 1) × (11 ÷ 15)).

  • Sampla 4

    Cheannaígh XYZ DAC suíomh 1 heicteár ar €1,000,000. Tá sé beartaithe acu 50 árasán, siopa, naíolann agus oifigí a thógáil in dhá chéim. Forghníomhaíodh an gníomhas aistrithe ar an 11 Feabhra 2018. Thíolaic XYZ DAC Tuairisceán Dleachta Stampa agus d’íoc siad Dleacht Stampa ag ráta 6%. Is é €60,000 an Dleacht Stampa íoctha

    Ar an 13 Márta 2018, rinne XYZ DAC iarratas ar chead pleanála chun 50 árasán agus foirgnimh neamhchónaithe a thógáil ar an suíomh. Tugadh cead pleanála ar an 23 Bealtaine 2018.

    Chuir XYZ DAC Fógra um Thosach Feidhme do Chéim 1 isteach chuig an Údarás Áitiúil ar an 14 Meitheamh 2018. Folaíonn an Fógra um Thosach Feidhme do Chéim 1 50 árasán agus siopa amháin agus clúdaíonn sé achar 0.5 heicteár. Comhlíonann Céim 1 an ‘tástáil 75%’.

    D’admhaigh an tÚdarás Áitiúil an Fógra um Thosach Feidhme mar fhógra bailí ar an 24 Meitheamh 2018. Thosaigh XYZ DAC ag tógáil. Féadfaidh XYZ DAC aisíocaíocht maidir leis an 0.5 heicteár a éileamh chomh luath is a thosaíonn obair tógála.

    Gheobhaidh XYZ DAC aisíocaíocht €20,000 (€60,000 × (0.5 ÷ 1) × (2 ÷ 3)).

    Chuir XYZ DAC Fógra um Thosach Feidhme do Chéim 2 isteach chuig an Údarás Áitiúil ar an 25 Deireadh Fómhair 2018. Clúdaíonn an Fógra um Thosach Feidhme do Chéim 2 an naíolann agus na hoifigí.

    D’admhaigh an tÚdarás Áitiúil an Fógra um Thosach Feidhme mar fhógra bailí ar an 28 Deireadh Fómhair 2018.

    Thosaigh XYZ DAC ag tógáil Chéim 2 ar 3 Samhain 2018. Ní chlúdaíonn an Fógra um Thosach Feidhme do Chéim 2 aon aonaid chónaithe cuí. Ní fhéadann XYZ DAC aisíocaíocht a éileamh ar an gcuid seo den talamh.

  • Sampla 5

    Cheannaígh ABC Teoranta suíomh 1 heicteár ar €1,000,000. Tá sé beartaithe acu 60 teach a thógáil i dtrí chéim. Forghníomhaíodh an gníomhas aistrithe ar an 15 Samhain 2020.

    Thíolaic ABC Teoranta tuairisceán Dleachta Stampa agus d’íoc siad Dleacht Stampa ag ráta 7.5%. Is é €75,000 an Dleacht Stampa íoctha

    Ar an 15 Nollaig 2020, rinne ABC Teoranta iarratas ar chead pleanála chun 60 teach a thógáil ar an suíomh. Tugadh cead pleanála ar an 15 Eanáir 2021.

    Chuir ABC Teoranta an Fógra um Thosach Feidhme do Chéim 1 isteach chuig an Údarás Áitiúil ar an 14 Feabhra 2021. Clúdaíonn an Fógra um Thosach Feidhme do Chéim 1 achar 0.4 heicteár agus tógáil cúig aonad teaghaise. Ní chomhlíonann Céim 1 an ‘tástáil 75%’.

    D’admhaigh an tÚdarás Áitiúil an Fógra um Thosach Feidhme mar fhógra bailí ar an 24 Feabhra 2021. Thosaigh ABC Teoranta ag tógáil Chéim 1 ar 3 Márta 2021. Ní fhéadann ABC Teoranta aisíocaíocht a éileamh chomh luath is a thosaíonn obair tógála toisc nár comhlíonadh an 'tástáil 75%'. Ní mór tús a chur leis an tógáil ar an suíomh iomlán agus ní mór an 'tástáil 75%' a chomhlíonadh sula ndéantar éileamh ar Chéim 1.

    Chuir XYZ DAC Fógra um Thosach Feidhme do Chéim 2 isteach chuig an Údarás Áitiúil ar an 10 Deireadh Fómhair 2021. Clúdaíonn an Fógra um Thosach Feidhme do Chéim 2 achar 0.3 heicteár agus tógáil 35 aonad teaghaise. Comhlíonann Céim 2 an ‘tástáil 75%’.

    D’admhaigh an tÚdarás Áitiúil an Fógra um Thosach Feidhme mar fhógra bailí ar an 20 Deireadh Fómhair 2021.

    Thosaigh ABC Teoranta ag tógáil Chéim 2 ar 3 Samhain 2021. Féadfaidh siad aisíocaíocht maidir leis an Dleacht Stampa a d’íoc siad ar Chéim 2 a éileamh chomh luath is a thosaíonn obair tógála. Ní fhéadtar Céim 1 a chur san áireamh toisc nach bhfuil tús curtha leis an tógáil ar an bhforbairt iomlán.

    Gheobhaidh ABC Teoranta aisíocaíocht €16,500 (€75,000 × (0. 3 ÷ 1) × (11 ÷ 15)).

    Chuir ABC Teoranta a bhFógra um Thosach Feidhme do Chéim 3 isteach chuig an Údarás Áitiúil ar an 08 Márta 2022.

    Clúdaíonn an Fógra um Thosach Feidhme do Chéim 3 achar 0.3 heicteár agus tógáil 20 aonad teaghaise. Comhlíonann Céim 3 an ‘tástáil 75%’.

    D’admhaigh an tÚdarás Áitiúil an Fógra um Thosach Feidhme mar fhógra bailí ar an 20 Márta 2022.

    Thosaigh ABC Teoranta ag tógáil Chéim 3 ar 21 Márta. Comhlíonadh an 'tástáil 75%' ar an suíomh iomlán. Féadfaidh ABC Teoranta aisíocaíocht a éileamh ar Chéim 1 agus ar Chéim 3 chomh luath is a thosaíonn obair tógála.

    Gheobhaidh ABC Teoranta aisíocaíocht €38,500 (€75,000 × (0. 7 ÷ 1) × (11 ÷ 15)).

Ar aghaidh: Obair tógála

Foilsithe: 22 Meán Fómhair 2025 Priontáil an leathanach seo

Siar chuig leathanach baile Ar ais go barr