Dleacht Stampála a aisíoc sa chás go n-úsáidtear talamh le haghaidh forbartha cónaithe (S83D)

Cén chaoi le haisíocaíocht a éileamh

Féadtar éileamh a dhéanamh ar líne trí Sheirbhís ar Líne na gCoimisinéirí Ioncaim (ROS) nó moChúrsaí, trí úsáid a bhaint as an gcóras ríomh-Aisíocaíochtaí.

Ní mór na doiciméid seo a leanas a uaslódáil agus d’éileamh á dhéanamh agat.

• dearbhú sínithe a bhaineann leis an teaghais/na teaghais atá á tógáil agat. Tá trí dhearbhú ann:
  • aonad teaghaise aonair (teach) - Alt 83D - Dearbhú maidir le forbairt aonad cónaithe aonair
  • nó
  • forbairt il-aonad in aon chéim amháin - Alt 83D – Dearbhú maidir le forbairt d'Aonaid Teaghaise Iomadúla in aon chéim amháin
  • nó
  • forbairt aonad teaghaise iomadúla i níos mó ná céim amháin - Alt 83D – Dearbhú maidir le forbairt d'Aonaid Teaghaise Iomadúla i níos mó ná céim amháin
• Cóip den ríomhphost (nó litir) ón Údarás Áitiúil ina n-admhaítear go bhfuil an Fógra Tosach Feidhme nó Fógra 7 Lá, bailí
• agus
• Foirm Thoilithe S83D sínithe. Tá toiliú riachtanach nuair atá níos mó ná duine cuntasach amháin ann (is ionann duine cuntasach agus aon duine atá i dteideal tairbhe a bhaint as an aisíocaíocht). Tá toiliú riachtanach freisin nuair atá duine éigin, dlíodóir mar shampla, ag éileamh na haisíocaíochta thar do cheann. Ba chóir do gach duine cuntasach aontú go ndéanfaidh duine aonair amháin an t-éileamh agus go bhfaighidh sé an aisíocaíocht. Ní mór do gach duine cuntasach an Fhoirm Toilithe a shíniú.

Ceadóidh muid éileamh bailí ar líne agus déanfaidh muid an aisíocaíocht a lóisteáil i do chuntas bainc.

Glacfar le héilimh bailí laistigh de cheithre bliana ón dáta a adhmhaítear d'fhógra tosach feidhme bailí. Ní ghlacfar le héilimh ar aisíocaíochtaí taobh amuigh den teorainn ceithre bliana.

Má dhiúltaíonn muid d’éileamh, cuirfidh muid ar an eolas thú faoin bhfáth. Tá an ceart agat achomharc a dhéanamh i gcoinne diúltú d’éilimh leis an gCoimisiún um Achomhairc Chánach.

Bheadh pionós i gceist sa chás go ndéanann éilitheoir dearbhú bréagach go feasach nó go dtaispeánann sé neamhaird mheargánta ar an bhfírinne. Is é an pionós atá iníoctha ná 125% den Dleacht Stampála nár chóir a aisíoc, móide ús. Gearrtar ús ar an méid sin ag ráta laethúil 0.0219% ón dáta a rinneadh an aisíocaíocht.

Ar aghaidh: Cé mhéad a aisíocfar leat?