Scéim Aisíocaíochta na Dleachta Stampa ar Fhorbraíochtaí Cónaitheacha

Obair tógála

Tús a chur le hobair tógála

Sula bhféadtar tús a chur le hobair tógála, ní mór cead pleanála agus Fógra um Thosach Feidhme bailí a bheith agat. Nuair a fhaigheann tú do chead pleanála ba chóir Fógra um Thosach Feidhme a chur faoi bhráid d’Údaráis Áitiúil. Ba chóir duit a bheith réidh le tosú ag tógáil roimh Fógra um Thosach Feidhme a chur faoi bhráid d'Údaráis Áitiúil.

Ní mór don Údarás Áitiúil an fógra sin a admháil mar fhógra bailí sula dtosaíonn tú le hobair tógála. Ní fhéadtar aisíocaíocht a éileamh má chuirtear tús le hobair tógála sula n-admhaíonn an tÚdarás Áitiúil go bhfuil an Fógra um Thosach Feidhme bailí.

Chun cáiliú le haghaidh aisíocaíocht Dleachta Stampa, ní mór tús a chur le hobair tógála:

  • de réir an Fhógra Tosach Feidhme a admhaíodh mar fhógra bailí
  • taobh istigh de 30 mhí tar éis an dáta a aistríodh an talamh chugat
  • agus
  • ar an 31 Nollaig 2025, nó roimhe.

Sa chás,  go gcríochnaítear forbairt il-aonaid i gcéimeanna, tá an riail tosaithe éagsúil. Ba chóir an obair a chríochnú laistigh de 30 mí ón dáta a eisítear an Fógra Tosach Feidhme a bhaineann leis an gcéim sin. Ní mór duit tús a chur le hobair tógála ar an gcéad chéim taobh istigh de 30 mí tar éis an dáta ar aistríodh an talamh chugat. Féadtar tús a chur le céimeanna ina dhiaidh sin lasmuigh den tréimhse tosaigh 30 mí, ach ní mór tús a chur le gach céim ar an 31 Nollaig 2025 nó roimhe sin.

Tosaíonn an obair tógála nuair a tharlaíonn an méid seo a leanas:

  • réiteach suímh
  • draenáil
  • créchartadh
  • tochailt
  • agus
  • leagan bunsraitheanna.

Folaíonn sé chomh maith soláthar rochtana, amhail bóithre.

Obair tógála a chríochnú

Ní mór duit obair tógála a chríochnú taobh istigh de 30 mí ó d’admhaigh an Údarás Áitiúil d'Fhógra um Thosach Feidhme mar fhógra bailí. Is é an chúis leis seo ná chun cáiliú le haghaidh aisíocaíocht Dleachta Stampa.

Sa chás, áfach, go ndéantar forbairt il-aonaid i gcéimeanna, tá feidhm ag an tréimhse chríochnaithe 30 mí le gach ceann de na céimeanna. Tosaíonn an 30 mí ar an dáta a mheasann an tÚdarás Áitiúil go bhfuil an Fógra um Thosach Feidhme do chéim bailí. Ní mór obair ar gach céim a chríochnú ar an 30 Meitheamh 2028 nó roimhe sin.

Nuair a chríochnaítear obair tógála il-aonaid, ní mór duit ‘Deimhniú Comhlíontachta ar Chríochnú’ a chur faoi bhráid d’Údaráis Áitiúil. Is é an dáta críochnaithe an dáta a chláraíonn d’Údarás Áitiúil an deimhniú.   

Má thógtar aonad teaghaise amháin, tá sé de rogha agat gan a bheith páirteach i bpróiseas deimhniúcháin an Údaráis Áitiúil. Má dhéanann tú an dírogha seo, is é an dáta críochnaithe dáta an ‘Deimhnithe Críochnaithe Leictreachais’. Faightear an deimhniú seo nuair atá an teach ceangailte leis an líonra leictreachais. 

Ar aghaidh: Tástálacha céatadáin