Bronntanais agus oidhreacht

Fuair Siubhán teach mar bhronntanas óna haintín. Is é luach margaidh an tí ná €125,000. Forghníomhaítear ionstraim chun an teach a aistriú chuig Siubhán.

Tá Dleacht Stampa iníoctha ar €125,000. Is é an ráta Dleachta Stampa an ráta atá infheidhmithe do mhaoin chónaithe a aistriú.

Cheannaigh Siubhán agus Peadar teach le chéile ar luach €250,000 i mí an Mheithimh 2017. Forghníomhaíodh ionstraim chun an teach a aistriú chuig an mbeirt acu i gcomhpháirt. D’íoc siad Dleacht Stampa ar €250,000 ag an ráta atá infheidhmithe do mhaoin chónaithe.

Ar an drochuair, tháinig deireadh lena gcaidreamh. D’aontaigh siad gur chóir an teach ina iomláine a aistriú chuig Siubhán.

Níl aon chomaoin á híoc ag Siubhán. D’fhorghníomhaigh Peadar ionstraim ar an 15 Deireadh Fómhair 2018 chun a sciar den teach a aistriú chuig Siubhán.

Is é luach margaidh an tí (iomláin) ag an am sin ná €280,000. Ós rud é gur le Siubhán leath den teach cheana féin, tá sí faoi dhliteanas Dleacht Stampa a íoc ar €140,000.

Féadfaidh sé gur thóg Siubhán agus Peadar morgáiste amach nuair a cheannaigh siad an teach. Tá rialacha sonracha i bhfeidhm má ghlacann Siubhán freagracht as an morgáiste a íoc.

Chun tuilleadh eolais a fháil, féach Dleacht Stampa agus Comaoin.

Thug Tomás suíomh ar luach €50,000 dá mhac Seán mar bhronntanas in 2005. Ní fhorghníomhaítear aon ionstraim, áfach, chun an suíomh a aistriú chuig Seán.

Thóg Seán teach ar an suíomh ar a chostas féin. Ba é €160,000 an costas iomlán a bhain leis an teach a thógáil.

I mí an Mhárta 2019, thug Seán faoi deara nár aistríodh an suíomh chuige riamh. Forghníomhaíodh ionstraim ar an 10 Aibreán 2019 chun an teach a aistriú chuig Seán.

Is é €80,000 luach margaidh an tsuímh i mí Aibreáin 2019 (gan aird a thabhairt gur tógadh an teach ar an suíomh). Tá Dleacht Stampa inmhuirir ar €80,000 ag an ráta infheidhmithe Dleachta Stampa ar an 10 Aibreán 2019 i leith aistrithe de mhaoin neamhchónaithe.

Dá dtógfaí an teach go páirteach ar chostas Sheáin ag tráth an aistrithe, bheadh an toradh céanna air. Tá Dleacht Stampa inmhuirir ar €80,000 ag an ráta infheidhmithe Dleachta Stampa ar an 10 Aibreán 2019 i leith aistrithe de mhaoin neamhchónaithe.

Cheannaigh Seán suíomh ar luach €70,000 ó Shéamus in 2005. Níor forghníomhaíodh aon ionstraim chun an suíomh a aistriú chuig Seán.

Thóg Seán teach ar an suíomh ar a chostas féin. Ba é €280,000 an costas iomlán a bhain leis an teach a thógáil.

I mí na Samhna 2018, thug Seán faoi deara nár aistríodh an suíomh chuige riamh. Forghníomhaíodh ionstraim ar an 16 Nollaig 2018 chun an teach a aistriú chuig Seán.

Dá ndíolfaí an suíomh faoina luach in 2005, bheadh Dleacht Stampa inmhuirir ar luach margaidh an tsuímh i mí na Nollag 2018. Sa chás, áfach, gurb ionann €70,000 ach luach margaidh an tsuímh in 2005, bheadh Dleacht Stampa inmhuirir ar €70,000.

Sa dá chás, tá Dleacht Stampa inmhuirir ag an ráta infheidhmithe Dleachta Stampa ar an 16 Nollaig 2018 i leith aistrithe maoine neamhchónaithe.

Is le Máire feirm an teaghlaigh. Shocraigh sí an suíomh a aistriú chuici féin agus chuig a mac mar nascthionóntaí.

Forghníomhaíodh ionstraim. Is é luach margaidh na feirme (iomláine) ná €400,000.

Tá Dleacht Stampa inmhuirir ar €200,000 ós rud é gurb é sin luach an úis atá á aistriú ag Máire chuige a mac.

Tá 100 scair ag Siubhán in XYZ Teo. Thug sí mar bhronntanas iad do Laoise. Forghníomhaíodh foirm aistrithe stoic. Tá luach €5,000 ar na scaireanna.

Tá Dleacht Stampa inmhuirir ag an ráta infheidhmithe Dleachta Stampa i leith aistrithe scaireanna.

Thóg XYZ Teo bloc oifigí ar léas óna mháthairchuideachta, ABC Teo, ar feadh 3 bliana ar chostas cíosa bhliantúil €15,000. Níor íoc XYZ Teoranta préimh. Is é €40,000 an cíos atá ar mhaoine den chineál céanna dá gcuirfí ar an margadh oscailte iad le ligean ar théarmaí dá leithéid (3 bliana, gan préimh a íoc).

Ní mór do XYZ Teoranta Dleacht Stampa a íoc ar an meánchíos bliantúil €15,000 ((€15,000 x 3) ÷3).

Ní mór do XYZ Teoranta Dleacht Stampa a íoc freisin ar phréimh bharúlach €75,000 (€40,000 - €15,000 = €25,000 x 3).