Oibleagáidí maidir le taifid a choinneáil agus an reachtaíocht
Oibleagáidí maidir le taifid a choinneáil
Ní mór do dhuine inmhuirir taifid a choinneáil lena chinntiú go bhfuil a dtuairisceáin Cánach ar Thithe Folmha (CTF) ceart.
D'fhéadfadh doiciméid a bhaineann leis na nithe seo a leanas a bheith san áireamh sna taifid, ach gan a bheith teoranta dóibh:
ní mór na taifid a choinneáil go dtí an ceann is déanaí díobh seo a leanas:
- tréimhse sé bliana dar tosach deireadh na bliana ina gcríochnaíonn an tréimhse inmhuirir
- nó
- dáta críochnaithe aon fhiosrúcháin a rinne na Coimisinéirí Ioncaim.
Fógra chun taifid a sholáthar
Féadfaidh sé go n-iarrfaidh na Coimisinéirí Ioncaim ort taifid a sholáthar a léiríonn gur úsáideadh do mhaoin mar áit chónaithe ar feadh 30 lá nó níos mó i dtréimhse inmhuirir.
D'fhéadfadh na nithe seo a leanas a bheith san áireamh, sna taifid a d'fhéadfadh a bheith ort a chur ar fáil, ach níl siad teoranta dóibh:
- billí leictreachais
- billí gáis
- billí bailithe dramhaíola
- fianaise ar aon ligean gearrthéarmach
- dearbhú reachtúil ón duine inmhuirir.
Féadfaidh na Coimisinéirí Ioncaim a mheas go bhfuil an mhaoin folamh i gcúinsí nuair:
- nár chuir tú aon taifid ar fáil
- nó
- nach leor na taifid a chuireann tú ar fáil.
Sa chás go measann na Coimisinéirí Ioncaim go bhfuil maoin folamh, tiocfaidh muirear CTF i ndáil leis an maoin sin chun cinn.
Reachtaíocht
Tá an reachtaíocht lena bhforáiltear do CTF le fáil i gCuid 22B den Acht Comhdhlúite Cánacha, 1997. Tugadh an reachtaíocht seo isteach san Acht Airgeadais, 2022.