Cáin Iarchoimeádta ar Sheirbhísí Gairmiúla (CISG)
CISG do dhaoine cuntasacha
I gcoitinne is iad comhlachtaí stáit agus leathstáit a dhéanann asbhaintí CISG. Tugtar daoine cuntasacha orthu agus áirítear ina measc:
- ranna Rialtais
- údaráis áitiúla
- Feidhmeannacht na Seirbhíse Sláinte (FSS)
- árachóirí údaraithe sláinte
- comhlachtaí leathstáit tráchtála agus neamhthráchtála
- aon fhochuideachta dá bhfuil thuas nó comhlacht a mhaoinítear ag ceann dá bhfuil thuas.
Fógraí Íocaíochta
Tar éis don duine cuntasach íocaíocht ar sheirbhísí gairmiúla a dhéanamh a thagann taobh istigh de scóp an CISG, déanfaidh an duine cuntasach an méid seo a leanas:
- Fógra Íocaíochta a thíolacadh ar an gcóras rCISG ar Sheirbhís ar Líne na Coimisinéirí Ioncaim (ROS)
- 20% a bhaint ón íocaíocht don duine sonraithe
- an 20% sin a íoc leis na Coimisinéirí Ioncaim ar bhonn míosúil mar chuid den tuairisceáin F30 a thíolacadh.
Féadann daoine cuntasacha Fógraí Íocaíochta aonair a chur isteach, Fógraí Íocaíochta a uaslódáil i mbaisceanna, nó Fógraí Íocaíochta a dtíolactar cheana a chuardach. Faoin áis cuardaigh Fógraí Íocaíochta, féadfaidh siad tuarascálacha ar Fógraí Íocaíochta a rinneadh thar thréimhse roghnaithe.
Agus Fógraí Íocaíochta á tíolacadh, iarrfar ar dhaoine cuntasacha Uimhir Cláraithe Cánach (UCC) an duine shonraithe a úsáid. Is í seo an uimhir chlárúcháin Cánach Ioncam nó Cánach Chorparáide, agus glactar leis an uimhir Cánach Breisluacha i roinnt cásanna eisceachtúla. Ní mór sonraí breise a chur isteach nuair a bhíonn an duine sonraithe neamhchónaitheach.
Fógraí Íocaíochta i mBaisceanna
Féadtar uaslódáil na bhFógraí Íocaíochta i mbaisceanna a dhéanamh trí chomhad CSV de na Fógraí Íocaíochta a uaslódáil.
Fógraí Íocaíochta a chuardach
Tá áiseanna cuardaigh agus tuairiscithe ar fáil do dhaoine cuntasacha in ROS. Féadann daoine cuntasacha an CISG a asbhaineadh do gach Fógra Íocaíochta a dtíolactar i dtréimhse a ríomh chomh maith trí úsáid a bhaint as an bhfeidhmiúlacht cuardaigh nua.
Fógraí Íocaíochta a Leasú
Féadann duine cuntasach Fógra Íocaíochta a leasú nó a scriosadh go dtí go dtíolactar an F35 don tréimhse. Nuair a roghnaítear Fógra Íocaíochta taobh istigh den fheidhmiúlacht cuardaigh, féadann daoine cuntasacha roinnt réimsí/gach réimse an Fógra Íocaíochta a leasú, faoi réir srianta áirithe. Féadann duine cuntasach Fógra Íocaíochta atá ann cheana a scriosadh nó Fógra Íocaíochta nua a chur leis ar feadh tréimhse F30 roimhe seo, faoi réir srianta.
Admhálacha a ghiniúint (PDF de Fógra Íocaíochta)
Tá rogha ar fáil chomh maith 'Admháil Fógra Íocaíochta' i PDF a ghiniúint le haghaidh:
- gach Fógra Íocaíochta a thíolactar
- nó
- gach grúpa de Fógraí Íocaíochtaí a thíolactar.
Féadann duine cuntasach admháil PDF an Fhógra Íocaíochta a thabhairt do Dhuine Sonraithe mar thaifead ar an gcáin asbhainte.
Tuairisceán bliantúil F35
Ní mór go gach duine cuntasach tuairisceán bliantúil F35 a thíolacadh. Maidir leis an tuairisceán atá dlite in 2022 agus blianta ina dhiaidh, ní theastóidh sceideal íocaíochta a dhéantar le gach duine sonraithe a thuilleadh.
Tá tuairisceán F35 breise ag teastáil ó dhaoine cuntasacha don tréimhse 1 Eanáir 2021 go dtí an 30 Meitheamh 2021. Ní mór é seo a thíolacadh faoin 23 Lúnasa 2021. Ní mór go n-áireofaí leis an F35 seo an sceideal íocaíochtaí don tréimhse in 2021 nuair a bhí foirmeacha F45 fós in úsáid.
Eolas ar Fhógraí Íocaíochta
Tá comhaid Fógraí Íocaíochta ar fáil le híoslódáil thíos.
Ar aghaidh: Eolas do sholáthraithe seirbhísí gairmiúla