Cáin Iarchoimeádta ar Sheirbhísí Gairmiúla (CISG)
Céard is seirbhísí gairmiúla ann?
I measc na seirbhísí gairmiúla a fheidhmítear CISG orthu, tá:
- seirbhísí liachta, déidliachta, cógaisíochta, radharceolaíochta, éisteolaíochta nó tréidliachta
- seirbhísí ailtireachta, innealtóireachta, suirbhéireachta cainníochta nó suirbhéireacht nádúir, agus seirbhísí bainteacha
- seirbhísí cuntasaíochta, iniúchóireachta nó airgeadais
- seirbhísí airgeadais, eacnamaíochta, margaíochta nó fógraíochta
- seirbhísí dlí
- seirbhísí geolaíochta.
An chaoi a gcaitear le costais
Má fheidhmítear CISG ar íocaíocht, beidh feidhm aige ar chostais a éilíonn an soláthraí seirbhíse agus a íocann an duine cuntasach. Is mar seo atá sé, bíodh sé go n-íoctar ar leithligh, nó má thíolactar sonrasc dóibh ar leithligh.
Samplaí de chostais is ea:
- costais taistil, cothabhála, postais agus priontála
- íocaíochtaí le tríú páirtithe i mbun gnímh ag an soláthraí seirbhíse chun an tseirbhís a sholáthar.
Bonn úis ar íocaíocht dhéanach
Is téarma intuigthe a bhaineann le gach conradh seirbhíse é go ngearrtar ús mura n-íoctar fiachais in am. Má íoctar ús ar íocaíocht as seirbhísí gairmiúla, ba chóir CISG a asbhaint ón ús freisin.
Ar aghaidh: Íocaíochtaí eisiata ón CISG