Taifid CBL a choinneáil
Cén taifid díolacháin a choinníonn tú?
Tá gá duit taifead a choinneáil de gach díolachán agus den tsuim a ghearrtar ar do chustaiméirí, lena n-áirítear do sholáthairtí laistigh den Chomhphobal agus d’easpórtálacha.
Ba chóir do thaifid díolacháin a dheighilt de réir rátaí éagsúla Cánach Breisluacha (CBL), na hidirbhearta díolmhaithe san áireamh. Mura bhfuil áis agat chun CBL díolachán ar hidirbhearta a dheighilt, tá scéimeanna speisialta ann a dhéileálann le díolacháin le daoine neamhchláraithe.
Éilítear ort go dtiocfadh do thaifid díolacháin le:
- sonraisc (chuig custaiméirí cláraithe)
- duillíní díolachán
- admhálacha díolachán
- rollaí scipéid airgid
- nótaí seachadta
- leabhar airgid
- doiciméid um an gcóras malartaithe faisnéise (VIES)
- tuairisceáin Intrastat
- cóipeanna stampáilte de doiciméid aonair riarachán (doiciméid SAD) agus doiciméid iompórtála eile
- ráitis bainc.
Féadfaidh sé go n-eiseoidh na Coimisinéirí Ioncaim Fógra faoi Alt 108A den Acht Comhdhlúite Cánach Breisluacha chuig duine cuntasach. Cuidíonn sé le gníomhaíochtaí sa scáthgheilleagar a chomhrac. Faoi seo, iarrtar orthu faisnéis shonraithe a sholáthar maidir le soláthairtí incháinithe a dhéantar le linn tréimhse shonraithe. Is é an tréimhse shonraithe ná tréimhse ama nach mó ná dhá mhí tar éis eisiúint an Fhógra.
Le haghaidh tuilleadh eolais ar an meicníocht trína bhfeidhmíonn an Fógra seo, féach Treoir bhreise.
Ar aghaidh: Cé chomh fada is a choinníonn tú taifid?