Cáin Chláraithe Feithiclí (CCF) a ríomh

Feithiclí leictreacha

Baineann leibhéil éagsúla laghduithe ar Cháin Chláraithe Feithiclí (CCF) le feithiclí leictreacha, lena n-áirítear gluaisrothair. Déantar na feithiclí seo a thiomáint go heisiach ó chadhnraí.

Cuireann na Coimisinéirí Ioncaim na faoisimh a leagtar amach thíos i bhfeidhm go huathoibríoch ag an bpointe clárúcháin in Ionad de chuid na Seirbhíse Náisiúnta Tástála nó ar ROS. Níl foirmeacha iarratais nó iarratais bhreise ag teastáil chun leas a bhaint astu. Ar an gcaoi chéanna, áiríonn an t-áireamhán CCF an faoiseamh go huathoibríoch agus an cháin mheasta á ríomh, má tá tú ag déanamh taighde ar fheithicil cháilitheach.

Carranna sraith-tháirgthe paisinéirí nó tráchtála (catagóirí A agus B den CCF):

• atá cumhachtaithe go heisiach ag mótar leictreach
• agus
• a cláraíodh roimh an 31 Nollaig 2025

atá incháilithe le haghaidh faoisimh ó CCF suas le suim uasta €5,000.

Tabharfar faoiseamh suas le €5,000 d’fheithiclí a bhfuil Praghas Díola ar an Margadh Oscailte (PDMO) de suas le €40,000 orthu. Gheobhaidh feithiclí a bhfuil PDMO níos mó ná €40,000 ach níos lú ná €50,000 acu leibhéal laghdaithe faoisimh. Baineadh faoisimh d’aon fheithiclí leictreacha os cionn €50,000.

Tá gluaisrothair leictreacha sraith-tháirgthe díolmhaithe ó CCF go dtí an 31 Nollaig 2025.

Ríomhanna samplacha den CCF inmhuirir i leith feithiclí leictreacha

Ar aghaidh: Astaíochtaí Ocsaíde Nítrigine