Íoc agus tíolaic le haghaidh Colún a Dó

I measc rialacha Cholún a Dó tá Riail maidir le Cuimsiú Ioncaim (RCI) agus Riail maidir le hÍocaíochtaí Faoi Thearc-Cháin (RÍFTC). Ceadaíonn an riail do dhlínsí Cáin Bhreisiúcháin Náisiúnta Cháilithe (CBNC) a thabhairt isteach.

Tuairisceán RCI agus féinmheasúnú

Ní mór do mháthaireintitis ábhartha atá faoi réir na cánach breisiúcháin RCI Tuairisceán RCI agus féinmheasúnú a thíolacadh. Ní mór é seo a dhéanamh taobh istigh de 15 mhí ó dheireadh na bliana fioscacha. Síntear an tréimhse seo go 18 mí don chéad bhliain fhioscach a bhfuil an t-eintiteas i raon feidhme. Ní mór an tsuim chánach atá dlite a íoc ag an am chéanna a thíolactar an tuairisceán.

Is é an 30 Meitheamh 2026 an spriocdháta Íoca agus tíolactha. Féadtar tuairisceáin agus íocaíochtaí gaolmhara a dhéanamh anois trí Sheirbhís ar Líne na gCoimisinéirí Ioncaim (ROS). Is féidir leat a fháil amach cén sonraí a chaithfidh tú a thuairisciú trí athbhreithniú a dhéanamh ar an bhFoirm Shamplach IIR1.

Tuairisceán RÍFTC agus féinmheasúnú

Ní mór do mháthaireintitis RÍFTC ábhartha atá faoi réir na cánach breisiúcháin RCI Tuairisceán RÍFCT agus féinmheasúnú a thíolacadh. Ní mór é seo a dhéanamh taobh istigh de 15 mhí ó dheireadh na bliana fioscacha. Síntear an tréimhse seo go 18 mí don chéad bhliain fhioscach a bhfuil an t-eintiteas i raon feidhme. Ní mór an tsuim chánach atá dlite a íoc ag an am chéanna a thíolactar an tuairisceán.

D'fhéadfadh feidhm a bheith ag socruithe tuairiscithe simplithe i ndáil leis an gcáin bhreisiúcháin RÍFTC. Féadfaidh gach comheintiteas de ghrúpa Ilnáisiúnta Fiontar (FIN) atá faoi réir cánach breisiúcháin RÍFTC a roghnú grúpa RÍFTC a bhunú.

Ní mór do bhaill an ghrúpa RÍFTC ball amháin a cheapadh le bheith ina thíolaiceoir grúpa RÍFTC. Ní mór don tíolaiceoir grúoa RÍFTC Tuairisceán RÍFTC a ullmhú agus a sheachadadh i leith gach baill den ghrúpa RÍFTC don bhliain fhioscach. Tá na socruithe céanna íoca agus tíolactha i bhfeidhm amhail is dá mba eintiteas aonair a thíolaic an tuairisceán. 

Is é an spriocdháta Íoca agus Tiolactha ná an 30 Meitheamh 2026. Féadtar tuairisceáin agus íocaíochtaí gaolmhara a dhéanamh anois trí ROS. Is féidir leat a fháil amach cén sonraí a chaithfidh tú a thuairisciú trí athbhreithniú a dhéanamh ar an bhFoirm Shamplach UTPR1.

Tuairisceán CBNC agus féinmheasúnú

Ní mór do mháthaireintitis Éireannacha atá faoi réir na cánach breisiúcháin náisiúnta Tuairisceán CBNC agus féinmheasúnú a thíolacadh. Ní mór é seo a dhéanamh taobh istigh de 15 mhí ó dheireadh na bliana fioscacha. Síntear an tréimhse seo go 18 mí don chéad bhliain fhioscach a bhfuil an t-eintiteas i raon feidhme. Ní mór an tsuim chánach atá dlite a íoc ag an am chéanna a thíolactar an tuairisceán. 

D'fhéadfadh feidhm a bheith ag socruithe tuairiscithe simplithe i ndáil leis an gcáin bhreisiúcháin náisiúnta. Féadtar grúpa CBNC a bhunú le toghchán trí:

• gach comheintiteas de ghrúpa FIN,
• gach comheintiteas de ghrúpa mórscála intíre
• nó
• an comhfhiontar, móide na cleamhnaithe comhfhiontair go léir de chomhfhiontar.

Ní mór do bhaill an ghrúpa CBNC ball amháin a cheapadh le bheith ina thíolaiceoir grúpa CBNC. Ní mór don tíolaiceoir grúoa CBNC Tuairisceán CBNC a ullmhú agus a sheachadadh i leith gach baill den ghrúpa CBNC don bhliain fhioscach. Tá na socruithe céanna íoca agus tíolactha i bhfeidhm amhail is dá mba eintiteas aonair a thíolaic an tuairisceán.

Is é an spriocdháta Íoca agus Tiolactha ná an 30 Meitheamh 2026. Féadtar tuairisceáin agus íocaíochtaí gaolmhara a dhéanamh anois trí ROS. Is féidir leat a fháil amach cén sonraí a chaithfidh tú a thuairisciú trí athbhreithniú a dhéanamh ar an bhFoirm Shamplach QDTT1.