Tuairisceán Faisnéise Cánach Breisiúcháin (TIR)
Léargas ginearálta
Áirítear i rialacha Cholún a Dó tá Riail maidir le Cuimsiú Ioncaim (RCI) agus Riail maidir le hÍocaíochtaí Faoi Thearc-Cháin (RÍFTC). Ceadaíonn na rialacha freisin do dhlínsí Cáin Bhreisiúcháin Náisiúnta Cháilithe (CBNC) a chur i bhfeidhm. Roghnaigh Éirinn CBNC a thabhairt isteach.
Foráiltear le rialacha Cholún a Dó go ngearrtar cáin ar ioncam grúpaí móra ag ráta cánach éifeachtach íosta de 15% ar bhonn dlínse. Foráiltear sa reachtaíocht i gCuid 4A den Acht Comhdhlúite Cánacha 1997 do na trí cháin a leanas:
- Cáin bhreisiúcháin RCI.
- Cáin bhreisiúcháin RÍFTC.
- Cáin bhreisiúcháin náisiúnta.
Foráiltear sa reachtaíocht freisin go gcaithfidh gach eintiteas atá faoi raon feidhme rialacha Cholún a Dó Tuairisceán Faisnéise Cánach Breisiúcháin (TIR) a thíolacadh. Ní mór an TIR a thíolacadh do na Coimisinéirí Ioncaim tráth nach déanaí ná 15 mhí tar éis dheireadh gach bliana fioscach. Cuirtear síneadh leis an tréimhse sin go 18 mí don chéad bhliain fhioscach a bhfuil an t-eintiteas faoi raon feidhme.
Tá an TIR ar fáil trí Sheirbhís ar Líne na gCoimisinéirí Ioncaim (ROS).
Tá timpeallacht tástála curtha ar fáil ag na Coimisinéirí Ioncaim chun cabhrú le tíolacóirí lena n-ullmhúcháin tíolactha TIR. Tá treoir d'úsáideoirí foilsithe againn freisin le haghaidh tuilleadh eolais.
Ar aghaidh: Cad é an TIR?