Tuairisceán Faisnéise Cánach Breisiúcháin (TIR)

Malartú faisnéise

Le Treoir (AE) 2022/2523 ón gComhairle an 15 Nollaig 2022, cinntítear íosleibhéal cánachais domhanda do ghrúpaí ilnáisiúnta fiontar agus do ghrúpaí mórscála intíre san AE. Rinneadh an Treoir seo a thrasuí i ndlí na hÉireann le Cuid 4A den Acht Comhdhlúite Cánacha 1997 agus tugtar an Treoir um Chánach Íosta uirthi.

Leis an Treoir um Chánach Íosta, ní mór d'einititis tuairisceán faisnéise cánach breisiúcháin (TIR) a thíolacadh. Le Treoir (AE) 2025/872 ón gComhairle (DAC9), foráiltear don mhalartú uathoibríoch faisnéise TIR idir Ballstáit an Aontais Eorpaigh.

Tugtar Tuairisceán Faisnéise GloBE ar an TIR freisin. Déantar tagairt don téarma Tuairisceán Faisnéise GloBE (GIR) i rialacha samhail Cholún a Dó de chuid an ECFE. Leis an gComhaontú Údarás Inniúil Iltaobhach maidir le Malartú Faisnéise GloBE(GIR MCAA) foráiltear don mhalartú uathoibríoch faisnéise GIR idir riaracháin chánach atá ina Sínitheoirí den GIR MCAA.

Foráiltear leis an Acht Airgeadais 2025 go hintíre don mhalartú faisnéise TIR nó GIR faoi DAC9 agus faoin GIR MCAA. Ní mór d'údarais chánach lena n-áirítear na Coimisinéirí Ioncaim faisnéis TIR nó GIR a mhalartú tráth nach déanaí ná an 31 Nollaig 2026. Déanfar faisnéis a mhalartú idir údaráis chánach de réir an cur chuige scaipthe.

Tabhair do d’aire

Is próiseas é an 'cur chuige spaipthe' atá ceadaithe ag Creat Cuimsitheach ECFE/G20 maidir le BEPS faoin GIR MCAA. Cinntíonn an próiseas seo nach bhfaigheann dlínsí ach na sonraí atá ábhartha dá ndlínse.

Chun tuilleadh eolais a fháil maidir leis an Tuairisceán Faisnéise Cánach Breisiúcháin, féach Ag ullmhú do Cholún a Dó.