Saoráil Faisnéise sna Coimisinéirí Ioncaim
An bhféadtar achomharc a dhéanamh ar chinneadh saorála faisnéise?
Féadann. Féadtar athbhreithniú inmheánach ar chinneadh saorála faisnéise a iarraidh taobh istigh de 20 lá oibre ón dáta a eisíonn muid an litir chugat, sa chás:
- nach bhfuil tú sásta le cinneadh an athbhreithnithe inmheánaigh
- nach bhfuair tú freagra taobh istigh de 20 lá ón dáta a tháinig an t-iarratas isteach. Measann an tAcht gur diúltú ar d’iarratas é seo agus ligeann sé sin duit athbhreithniú inmheánach a iarraidh.
Déanfaidh oifigeach níos sinsearaí an t-athbhreithniú ar d'iarratas. Cuirfimid toradh an athbhreithnithe seo in iúl duit taobh istigh de 15 lá oibre tar éis d'iarratas ar athbhreithniú inmheánach a fháil.
Ba chóir duit d'achomharc a thíolacadh i scríbhinn go díreach d’Oifig an Choimisinéara Faisnéise. Tá sonraí teagmhála ar fáil sa rannán Déan teagmháil linn.
An bhféadfaidh tú achomharc a dhéanamh ar chinneadh an athbhreithnithe inmheánaigh?
Féadann. Féadfaidh tú athbhreithniú neamhspleách a lorg ó Oifig an Choimisinéara Faisnéise taobh istigh de shé mhí ón gcinneadh a fháil, sa chás:
- nach bhfuil tú sásta le cinneadh an athbhreithnithe inmheánaigh,
- mura bhfuair tú freagra ar d'iarratas ar athbhreithniú inmheánach uainn taobh istigh de 15 lá oibre. Measann an tAcht gur diúltú é seo.
Ba chóir duit d'achomharc a thíolacadh i scríbhinn go díreach d'Oifig an Choimisinéara Faisnéise.
Ar aghaidh: Fiosruithe faoi Shaoráil Faisnéise