Saoráil Faisnéise sna Coimisinéirí Ioncaim
Iarratas Saoráil Faisnéise a dhéanamh
Chun iarratas a dhéanamh, féadtar teagmháil a dhéanamh linn trí litir nó ríomhphost agus ba chóir duit:
- sonrú go bhfuil an t-iarratas á dhéanamh agat faoi na rialacháin Saorála Faisnéise
- a mhéad eolais agus is féidir a chur ar fáil chun cabhrú linn na taifid a theastaíonn uait a shainaithint
- uimhir fóin lae a chur ar fáil ar fhaitíos go mbíonn aon fhiosruithe againn i ndáil le d’iarratas.
Tá sonraí teagmhála ar fáil sa rannán Déan teagmháil linn.
Tabhair do d’aire
Le haghaidh iarratais phearsanta, féadfaidh sé go dteastóidh uainn cruthúnas aitheantais a fháil.
Cé chomh tapa is a gheobhaidh tú freagra
Go ginearálta, ní mór dúinn
- d'iarratas a admháil taobh istigh de 2 sheachtain (10 lá oibre) tar éis é a fháil
- an cinneadh a chur in iúl duit taobh istigh de 4 seachtaine (20 lá oibre) tar éis é a fháil
- d’iarratas a atreorú chuig an gcomhlacht poiblí cuí taobh istigh de 2 sheachtain ó é a fháil agus é sin a chur in iúl duit mura bhfuil na sonraí atá á lorg agat i seilbh ag na Coimisinéirí Ioncaim.
An bhfuil táille i gceist leis?
Tá iarratais ar thaifid phearsanta faoi Shaoráil Faisnéise saor in aisce.
Féadfaidh sé go dtabhaítear táillí i leith obair cuardaigh agus aisghabhála i gcás iarratais ar thaifid neamhphearsanta, lena n-áirítear fótachóipeáil.
Ríomhtar táille cuardach agus aisghabhála ag €20.00 in aghaidh na huaire an duine agus €0.04 in aghaidh gach leathanach fótachóipeáilte.
- Níl aon táille nuair atá costais an chuardaigh, na haisghabhála agus na cóipeála níos ísle ná €101
- Tá muirear uasta de €500 sa chás go bhfuil costais an chuardaigh, na haisghabhála agus na cóipeála níos mó ná €500 ach níos lú ná €700.
Sa chás go bhfuil costais an chuardaigh, na haisghabhála agus na cóipeála níos mó ná €700, féadfaidh muid diultú an t-iarratas a phróiseáil. Tabharfaidh muid an deis duit d'iarratas a bheachtú ar an gcéad dul síos.
Tabhair do d’aire:
Le leas a bhaint as an táille laghdaithe, féadfaidh sé go n-iarrfar cruthúnas ar chárta leighis más gá.
Ar aghaidh: An bhfuil iarratas Saoráil Faisnéise riachtanach i gcónaí?