Nochtaí Cosanta
Céard is nochtadh cosanta ann?
Is téarma dlíthiúil é 'nochtadh cosanta' a thagraíonn do thuairisciú faisnéise déanta ag 'oibrí' faoi éagóir fhéideartha a tháinig chun solais san ionad oibre. Uaireanta tugtar 'sceithireacht' ar nochtadh cosanta a dhéanamh.
Áirítear le hoibrí:
- fostaithe
- oibrithe gníomhaireachta
- conraitheoirí
- oiliúnaithe
- oibrithe deonacha
- comhaltaí boird
- scairshealbhóirí
- agus
- iarratasóirí poist.
Sa chás go bhfuil nochtadh cosanta á dhéanamh agat, ba cheart go mbeadh tuairim réasúnta agat go léiríonn an fhaisnéis atá á thuairisciú agat, gur tharla éagóir, go bhfuil sé ag tarlú, nó gur dócha go dtarlóidh sé.
Is féidir go leor cineálacha éagóra a thuairisciú faoin gcreat um nochtadh cosanta. Tá siad seo leagtha amach san Acht um Nochtadh Cosanta 2014. D'fhéadfadh na cineálacha éagóra, a bhaineann le rialuithe cánach, dleachta nó custam, a fhéadtar a thuairisciú do na Coimisinéirí Ioncaim a bheith san áireamh:
- loiceadh cloí le dualgas dlíthiúil
- úsáid neamhdhleathach nó míchuí cistí poiblí
- cionta coiriúla
- fianaise maidir le héagóir a cheilt nó a scriosadh
- agus
- iompar leatromach, idirdhealaitheach nó faillíoch ag comhlacht poiblí.
Ar aghaidh: Cén chaoi le nochtadh cosanta a dhéanamh do na Coimisinéirí Ioncaim